Umumiy qoidalar

Mazkur Nizom Korrupsiyaga qarshi kurashish “Komplaens nazorat” bo‘limining (keyingi o‘rinlarda - bo‘lim) maqomi, asosiy vazifalari, funksiyalari, huquqlari, javobgarligi, faoliyatini tashkil etish, xodimlarning funksional vazifalari hamda javobgarligini belgilaydi.

Bo‘lim universitetning tarkibiy bo‘linmasi hisoblanadi.

Bo‘limning faoliyati universitetda “Komplaens nazorat” tizimini boshqarish, shuningdek korrupsiyaga qarshi kurashish faoliyatini olib borishga yo‘naltirilgan bo‘lib, o‘z vakolatlari doirasida bevosita universitet rektoriga bo‘ysunadi hamda O‘zbekiston Respublikasi Oliy ta’lim, fan va innovatsiyalar vazirligi (keyingi o‘rinlarda - vazirlik)ning Komplaens nazorat va korrupsiyaga qarshi kurashish bo‘limiga hisobot beradi.

Bo‘lim o‘z faoliyatida O‘zbekiston Respublikasi Konstitutsiyasiga va qonunlariga, O‘zbekiston Respublikasi Oliy Majlisining qarorlariga, O‘zbekiston Respublikasi Prezidentining farmonlari, qarorlari va farmoyishlariga, O‘zbekiston Respublikasi Vazirlar Mahkamasining qarorlari va farmoyishlariga, vazirlik buyruqlariga va hay’ati qarorlariga, mazkur Nizom, universitetning ichki buyruqlari, shuningdek boshqa qonun hujjatlariga amal qiladi.

Bo‘lim o‘z faoliyatini universitetning boshqa bo‘limlari bilan o‘zaro hamkorlikda amalga oshiradi.

Bo‘limning vazifalari va funksiyalari

Quyidagilar bo‘limning asosiy vazifalari hisoblanadi:

universitetda korrupsiyaga oid huquq buzarliklarni profilaktika qilish va ularga qarshi kurashish;

oliy ta’lim tizimida “Korrupsiyasiz soha” loyihasini universitet miqyosida amalga oshirishga qaratilgan chora-tadbirlar ijrosini ta’minlash;

universitetda korrupsiyaga qarshi kurash “Komplaens nazorat” tizimini joriy etish va uni amalga oshirish;

universitetda korrupsiyaga oid xavf-xatarlar yuqori bo‘lgan yo‘nalishlar hamda korrupsiyaga doir huquqbuzarliklar sodir etilishining sabab va shart sharoitlarini aniqlash;

universitetda korrupsiyaga oid huquq buzarliklaming sabab va shart- sharoitlarini bartaraf etish hamda korrupsiyaga qarshi kurashish choralarining samaradorligini oshirishga qaratilgan dasturlar ijrosini ta’minlash;

universitetda korrupsiyaga qarshi kurashishga yo‘naltirilgan jamoatchilik nazoratini muvofiqlashtirib borish, shuningdek, axborot-kommunikatsiya texnologiyalari asosida korrupsiyaga qarshi monitoring olib borish;

Bo‘lim o‘ziga yuklangan vazifalarni bajarish uchun quyidagi funksiyalarni amalga oshiradi:

universitetda korrupsiyaga qarshi kurashishga oid qonunlar va qonunosti hujjatlar, shuningdek, Vazirlik Hay’ati qarorlari va buyruqlariga rioya etilishi ustidan nazorat olib boradi;

korrupsiyaga oid huquqbuzarliklarning oldini olishga qaratilgan chora- tadbirlar va ish rejalarini ishlab chiqadi, ularning to‘liq, sifatli va o‘z vaqtida ijro etilishini ta’minlaydi, belgilangan chora-tadbirlarning amalga oshirilishi ahvolini o‘rganadi;

universitetda “Korrupsiyasiz soha” loyihasini amalga oshiradi; universitetning ichki hujjatlarida aniqlangan korrupsiyaviy normalarni bartaraf qilish bo‘yicha takliflar beradi;

universitetda korrupsiyaviy xavf-xatarlami baholaydi; universitetning professor- o‘qituvchilari, boshqaruv, texnik, xizmat ko‘rsatuvchi va o‘quv-yordamchi xodimlarining xatti-harakatlaridagi korrupsiyaviy xavf-xatarlar va huquqbuzarliklar haqida kelib tushadigan murojaatlar va anonim xabarlarni ko‘rib chiqadi hamda o‘rnatilgan tartibda choralar ko‘radi;

davlat xaridlarini amalga oshirishda manfaatlar to‘qnashuvini tahlil qilishda va kontragentlarning ishonchliligini tekshirishda ishtirok etadi;

universitet xodimlari o‘rtasida manfaatlar to‘qnashuvini o‘rganadi va aniqlangan holatlar bo‘yicha tegishli takliflar kiritadi;

universitetning professor-o‘qituvchilari, boshqaruv, texnik, xizmat ko‘rsatuvchi, o‘quv-yordamchi xodimlari o‘rtasida muntazam ravishda profilaktik suhbatlar tashkil etib boradi;

universitet faoliyatida korrupsiyaviy holatlarni aniqlash maqsadida professor- o‘qituvchilar, o‘quv-yordamchi xodimlar, talabalar (magistrantlar) o‘rtasida so‘rovlar o‘tkazadi;

professor-o‘qituvchilar, talaba-yoshlar o‘rtasida korrupsiyaga qarshi kurashishga qaratilgan uchrashuvlar, seminarlar va tanlovlar tashkil etadi;

har chorakda va zaruratga ko‘ra korrupsiyaga qarshi kurashish bo‘yicha amalga oshirilgan ishlar hamda universitetdagi korrupsiyaviy vaziyat haqida rektorga hamda O‘zbekiston Respublikasi Oliy ta’lim, fan va innovatsiyalar vazirligining Komplaens nazorat va korrupsiyaga qarshi kurashish bo‘limiga hisobot beradi