Yangiliklar: Noyabr 2022

Samarqand shahrida “Ipak yo‘li” turizm va madaniy meros xalqaro universitetining Konferensiyalar zalida “Turizm sohasida yangi konsepsiyalar, imkoniyatlar va korxonalarni innovatsion rivojlantirish vositalari” mavzusidagi xalqaro ilmiy-amaliy konferensiyaning 2-kunida universitet tayanch doktorantlari o‘z tadqiqotlari doirasida chiqish qildilar.

2022-yil 22-noyabr kuni “Ipak yo‘li” turizm va madaniy meros xalqaro universitetining Konferensiyalar zalida “Turizm sohasida yangi konsepsiyalar, imkoniyatlar va korxonalarni innovatsion rivojlantirish vositalari” mavzusidagi xalqaro ilmiy-amaliy konferensiyaning ochilish marosimi bo‘lib o‘tdi. Konferensiyani Ta’lim va ilm-fanni rivojlantirish hamda tadqiqotlar Departamenti boshlig‘i, i.f.d., Eshtayev Alisher Abdug‘aniyevich hamda universitet birinchi prorektori, f.f.d., professor Eltazarov Jo‘liboy Danabayevich ochib berdilar. Konferensiyaning birinchi kunida chiqish qilish uchun bir qator chet davlatlardan olimlar va soha mutaxassislari offlayn va onlayn tarzda qatnashdilar:

• Liping Cai, Purdue universiteti sog‘liqni saqlash va gumanitar fanlar kolleji global ta’lim fakulteti direktori, Purdue turizm va mehmondo‘stlik tadqiqot markazi professori (AQSH)
• Ton Zou Qian, “Ipak yoʻli” turizm va madaniy meros xalqaro universiteti prorektori, Pekin xalqaro tadqiqotlar universiteti prezidenti yordamchisi, Xitoy madaniyat va turizm akademiyasi kafedrasi mudiri, professor (Xitoy)
• Erdog‘an Ekiz, TEAMS universiteti Moliya fakulteti dekani, professori (Toshkent)
• Aleks Kandor, PhD, TEAMS universiteti (Toshkent)
• Liu Yakong, “Bir kamar, bir yo‘l” tashabbusi xalqaro taraqqiyot akademiyasi ijrochi prezidenti, professori (Moʻgʻuliston)
• Kang Zhang, Xitoyning hisoblash vositalari va san’at maktabi hamda Gonkong fan va texnologiya universiteti professori (Guanjou, Xitoy)
• Aleksey Kilasov, Plexanov nomidagi Rossiya Iqtisodiyot universiteti qoshidagi Oliy menejment maktabi bosh ilmiy xodimi, professori (Rossiya)
• Ian Patterson, “Ipak yo‘li” turizm va madaniy meros xalqaro universiteti, “Turizm menejmenti” kafedrasi professori
• Dr Li Ying, Markaziy Osiyo madaniyati va turizmi markazi ijro etuvchi direktori, Beijing xalqaro universiteti professori (Xitoy)
• Ma Aiping, “Ipak yo‘li” turizm va madaniy meros xalqaro universitetining tashrif buyuruvchi professori, Pekin xalqaro tadqiqotlar universiteti professori (Xitoy)
• Nik Naumov, Oliy texnologiya kolleji professori (BAA)
• Yin Laetitia, Xalqaro turizm instituti, Parij Pantheon Sorbone universiteti professori (Fransiya)
• Ahmad Rasmi Albattat, Oliy menejment maktabi va Menejment hamda fan universiteti professori (Malayziya)

Yangi O‘zbekistonda el aziz, inson aziz
Nafosat, go'zallik, latofat... bu ta'riflar qizlar uchun atalgan. Joriy yilning 18-noyabr kuni "Ipak yo'li" turizm va madaniy meros xalqaro universiteti Xotin-qizlar kengashi qoshida tashkil etilgan "Lider qizlar" klubining navbatdagi yig’ilishi noan’anaviy tarzda tashkil etildi. “O'zbek milliy liboslari” va “Buvijonim kiygan liboslar tarixi” mavzusida mazkur klub talaba-qizlari o'rtasida tadbir o'tkazildi. Bunday tadbirni o'tkazishdan maqsad o'zbek milliy liboslari va buvijonlarimiz kiygan milliy liboslarimizga bo'lgan hurmat tuyg'usini, betakror urf-odatlarimizga nisbatan faxr tuyg'usini uyg'otish, shu bilan birga, ularga sharqona odob-axloq fazilatlari, ularni kelajakda haqiqiy uy bekasi, sevimli ona va e'zozdagi buvijon bo'lishlariga zamin yaratishdir. Tadbir talaba-qizlarni har tomonlama qo'llab-quvvatlash, islohotlarga daxldorlik hissini yanada oshirishga qaratilgan. Bu kabi olib borilayotgan ezgu harakatlar kelgusida xotin-qizlar faolligini oshirishda hamda farovon turmushida muhim omil bo'lib xizmat qiladi.

“Ipak yo‘li” turizm va madaniy meros xalqaro universitetida 2020-yil 15-oktabrdagi “Nogironligi bo‘lgan shaxslarning huquqlari to‘g‘risida”gi 641-sonli O‘zbekiston Respublikasi qonuni ijrosi hamda ularning oliy ta’limda o‘qishlari to‘g‘risida ma’lumot berish maqsadida Samarqand shahridagi 1-son maxsus maktab o‘quvchilari hamda o‘qituvchilari ishtirokida tanishtiruv loyihasi tashkil etildi.

Uchrashuv davomida oliy ta’lim tizimi va universitetda yaratilgan sharoyitlar bilan tanishtiruv va o‘quvchilarni qiziqishlari bo‘yicha suhbatlar tashkil etildi.  

Toshkent shahridagi Singapur menejmentni rivojlantirish institutida 2022-yilning 29-noyabr kuni “Rivojlanayotgan bozorlarda CSR va ESG” mavzusidagi xalqaro konferensiya bo‘lib o‘tadi.

Bo‘lib o‘tadigan tadbirning maqsadi – O‘zbekistonda barqaror biznes amaliyotini rivojlantirish masalalariga e’tibor qaratish, bu borada milliy va xalqaro sa’y-harakatlarni birlashtirish, Korporativ ijtimoiy ma’suliyat (CSR), Ekologik va ijtimoiy korporativ boshqaruv (ESG) va Barqaror turizm rivojlantirish tamoyillarini yurtimizda tadbiq qilish bo‘yicha vazirliklar, idoralar, xo‘jalar yurituvchi subyektlarning o‘zaro hamkorligini muvofiqlashtirishdir.

Konferensiyada tegishli vazirlik va idoralarning ma’sul xodimlarni, milliy tahlil markazlari va konsalting kompaniyalar, xalqaro tashkilotlar vakillari, xorijiy ekspertlar, xususiy sektor va davlat ishtirokidagi korxonalari, hamda ommaviy axborot vositalari vakillari qatnashishi rejalashtirilgan.

Konferensiyada qatnashishni xohlaydigan talabgorlar quyidagi raqamga:

 +99871 271 77 00 (1041) va Этот адрес электронной почты защищён от спам-ботов. У вас должен быть включен JavaScript для просмотра. yoki Этот адрес электронной почты защищён от спам-ботов. У вас должен быть включен JavaScript для просмотра. elektron pochtasi orqali 18-noyabrgacha murojaat qilishlari mumkin.

2022-yilning 28-29-noyabr kunlari “Jadidlarning ma’rifiy faoliyati: g‘oyalari, maqsadlari, vazifalari va Turkiston taraqqiyotiga qo‘shgan hissasi” mavzusida xalqaro ilmiy-amaliy konferensiya o‘tkaziladi

15-16-noyabr kunlari YUNESKOning erta yoshdagi bolalarni tarbiyalash va ta’lim berish bo‘yicha II Butunjahon konferensiyasi doirasida 17-noyabr sanasida Samarqandga kelgan delegatsiyaga Samarqand shahrining maktabgacha ta’lim muassasalari, maktablari hamda Samarqandning diqqatga sazovor joylarida uchrashuvlar tashkil etildi.

 Uchrashuvlar davomida universitetning bir guruh talabalaridan iborat volontyor-tarjimonlar jamoasi faoliyat olib bordi.

Joriy yilning 18 noyabr kuni “Ipak yo‘li” turizm xalqaro universitetiga Samarqand shahar xalq ta'limi bo'limi tasarrufidagi  6 - umumta’lim maktabining 11 sinf bitiruvchi o’quvchilari tashrif buyurishdi.

Ekskursiya davomida o'quvchilarga o‘quv-ishlab chiqarish kompleksiga kiruvchi mehmonxona xona namunalari, bar-restorani, ilg‘or texnologiyalar bilan jihozlangan 250 kishiga mo‘ljallangan konferens-zali, kafeteriy usulida qayta ta’mirlangan oshxonasi, sport zali, shuningdek va kutubxona namoyish etilib, batafsil ma’lumotlar berildi.

Xalqaro YUNESKO tashkiloti dunyoda tinchlik, dinlar va konfessiyalararo muloqotni o'rnatish, millatlar va ellatlar o'rtasida hamkorlikni rivojlantirish borasida bir qator ishlar amalga oshiririb, hozirda bag'rikenglikka oid 70 dan ziyod xalqaro hujjatlar qabul qilingan.

Ularning yorqin namunasi 1995-yil 16-noyabrdan boshlab "16 noyabr – Xalqaro bag'rikenglik kuni" sifatida butun dunyoda nishonlab kelinmoqda. Bu sanani O‘zbekistonda nishonlash ham yaxshi an’anaga aylangan. Shu yilning 15-20 noyabr kunlari yurtimizda Xalqaro bag‘rikenglik kuniga bag‘ishlangan millatlararo totuvlik va diniy bag‘rikenglik haftaligi o‘tkazilmoqda.

Shu munosabat bilan “Bag‘rikenglik haftaligi” dasturi doirasida “Ipak yo‘li” turizm va madaniy meros xalqaro universiteti  mahalliy va xorijiy talabalari  va YUNESCO tashkiloti  ta’lim sektorining bosh director o’rinbosari Stefania Giannini  bilan davra suhbati tashkil etildi.

Uchrashuv mobaynida talabalar "Xalqaro bag'rikenglik kuni" bilan bir-birlarini muborakbod etdilar. Bundan tashqari uchrashuv turli qiziqarli savol-javoblar va muloqotga boy bo'ldi.

 Har qanday davlatning kelajagini ma’nan yetuk, jismonan sog‘lom va intellektual salohiyati yuqori bo‘lgan yoshlar belgilaydi. Zotan, yoshlarga e’tibor mamlakatimiz kelajagiga bo‘lgan e’tibordir.

Shu o‘rinda, O‘zbekiston Respublikasi Vazirlar Maxkamasining “2022-2026- yillarda Samarqand viloyati hududlarini kompleks ijtimoiy-iqtisodiy rivojlantirish va aholi turmush darjasini yanada yaxshilashga doir qo’shimcha chora-tadbirlar to‘g‘risida”gi 222-sonli qarori ijrosi yuzasidan nazorat rejasining 2-ilovasi 56-bandi ijrosini ta’minlash maqsadida “Rahbar bilan bir kun” shiori ostida Samarqand viloyat Favqulodda vaziyatlar boshqarmasi boshlig’i polkovnik Ismoilov Ilxom Ismoilzoda boshchiligidagi mas’ullarning «Rahbar va yoshlar uchrashuvi»   17- noyabr kuni “Ipak yo‘li” turizm va madaniy meros xalqaro universiteti talaba yoshlari bilan o‘tkazildi.

Tashkil etilgan mazkur tadbirda Ismoilov Ilxom Ismoilzoda davlatimiz rahbari tomonidan yoshlarga qaratilayotgan e’tibor va g‘amxo‘rlik haqida alohida to‘xtalib o‘tdi va o‘zining hayoti, ish-tajribasi, erishgan yutuqlari, raxbarlik faoliyati to‘g‘risida gapirib berdi.

Ismoilov Ilxom Ismoilzoda katta hayotga o‘zining fikrlari va qarashlari bilan intilayotgan universitet talabalari bilan ularni qiziqtirgan turli mavzularda qizg‘in suhbat o‘tkazib, har bir talabaning iqtidori va salohiyatini kuzatar ekan, ularning xorijiy tillarga, iqtisodiyotga, IT yo‘nalishi va asosiysi turizmga yo‘naltirilgan g‘oyalari va  mahoratlaridan mamnun bo‘lib, maqsadlari sari intilishlarida omad tiladi.

Davra suhbati qizg‘in savol javoblarga ulanib, talabalarda katta taassurot qoldirdi. O‘z savollari bilan faol ishtirok etgan talabalar esa polkovnik Ismoilov Ilxom Ismoilzoda tomonidan esdalik sovg‘alari bilan taqdirlandi.

Uchrashuv so‘nggida universitetimiz hovlisida daraxt ekish marosimi tashkil etilib,  polkovnik Ismoilov Ilxom Ismoilzoda va universitet talabalari bilan xamroxlikda ko‘chat ekildi.