Yangiliklar: Avgust 2022

Shahrisabz tumanidagi “Lochin” oromgohida 8-12-avgust kunlari bo‘lib o‘tgan “Yoshlar turizmi” qurultoyida “Ipak yo‘li” turizm va madaniy meros universitetining bir guruh talabalari ham kungilli volontyor sifatida ishtirok etdi. Ushbu loyihada ishtirok etish talabalarda turizm sohasidagi ommaviy tadbirlarni tashkil etishdagi tajribalarini oshirishga xizmat qildi.

Qurultoy dasturi doirasida Toshkent shahri, viloyatlar va Qoraqalpog‘iston Respublikasidan 700 dan ortiq delegatlar ishtirokida kitobxonlik kunlari va madaniy-ko‘ngilochar tadbirlar, mahorat darslari, milliy va etnosport turlari bo‘yicha sport musobaqalari, madaniy meros sohasidagi loyihalar, uchrashuvlar, gala-konsert va, albatta, turizm ob’ektlariga sayohatlar uyushtirildi.

Ta'kidlash kerakki, Yoshlar turizmi qurultoyi ko'tarinki kayfiyatda o'tdi. Mazkur qurultoy Qozog'iston, Qirg'iziston, Tojikistondan tashrif buyurgan yoshlar uchun yangi tanishuvlar, o'zaro tajriba almashish imkonini yaratdi. O'zaro bellashuvlar esa yoshlar o'rtasidagi do'stlikni yanada mustahkamladi. Yoshlar qurultoyi umidli, iqtidorli yoshlar uchun chinakam imkoniyatlar maydoniga aylandi.

Xorijiy va nodavlat universitetlardan o‘qishlarini “Ipak yo‘li” turizm va madaniy meros xalqaro universitetiga ko‘chirishni istagan talabalar diqqatiga!

Agar siz o‘qishingizni zamonaviy va qulay ta’lim muhitiga ega “Ipak yo‘li” turizm va madaniy meros xalqaro universitetida davom ettirishni xohlasangiz unda bu yangilik siz uchun.

“Ipak yo‘li” turizm va madaniy meros xalqaro universiteti 2022-yilning

18-avgustidan 31-avgustiga qadar o‘qishini ko‘chirishni istagan talabalarning hujjatlarini universitetning 317-xonasida qabul qiladi.

Kerakli hujjatlar ro‘yxati:

• Pasport
• Baholar transkripti
• Universitet litsenziyasining nusxasi
• Til bilish darajasini ko‘rsatuvchi sertifikat (IELTS 5.5, CEFR B2, TOEFL 72)

Batafsil ko'rish https://youtu.be/EB8KWO312lg

Joriy yilning 16 avgust kuni rektor, professor, pedagogika fanlari doktori Yusuf Abdullayev boshchiligidagi Samarqand xalqaro texnologiya universiteti vakillari "Ipak yo'li"xalqaro turizm va madaniy meros universitetiga tashrif buyurishdi.

Faxriy mehmonlarni universitet birinchi prorektori J.Eltazarov kutib oldi. Ekskursiya davomida mehmonlarga xalqaro universitetlar va turizm tashkilotlari bilan hamkorlik natijalari haqida batafsil ma’lumotlar berildi. Ishtirokchilar amaliy mehmonxona xonalari, bar-restoranlardan iborat o‘quv-ishlab chiqarish majmuasi, konferents-zal, lingafon xonalarini, shuningdek, galereyalarda o'rnatilgan Buyuk Ipak yo'lining noyob tarixiy elementlari bilan tanishdilar.

Mehmonlarda madaniy merosni asrab-avaylashga bag‘ishlangan noyob kitoblar to‘plamini o‘z ichiga olgan universitet kutubxonasi katta taassurot qoldirdi. O‘zbekiston Respublikasi Bosh vazirining o‘rinbosari, Turizm va madaniy meros vaziri, “Ipak yo‘li” universiteti rektori Aziz Abduhakimovning sa’y-harakatlari bilan turizm, san’at, tarix, arxeologiya, etnologiya, geosiyosat, iqtisodiyot, madaniyatshunoslik, dinshunoslik, rasm san’ati, haykaltaroshlik, arxitektura, madaniy meros kabi yo‘nalishlar bo‘yicha eng qisqa vaqt ichida kutubxonaga 20 mingga yaqin dunyoning barcha burchaklarida nashr etilgan kitob yetkazib berildi.

Ta'kidlash joizki, Samarqand xalqaro texnologiya universiteti tez orada ilg'or muhandislik bilimlari, ijodiy fikrlash, innovatsion texnologiyalarni yaratish va joriy etish ko'nikmalariga ega bo'lgan yuqori malakali mutaxassislarni tayyorlash uchun o'z eshiklarini ochadi.

Bu davrda u boshqa ilmiy faoliyat bilan bir qatorda:

1. Samarqand arxeologiya instituti bilan hamkorlik

2. Ma'lumotlar fanini va raqamli transformatsiyani o'rgatish

3. Tabiatni saqlash va saqlash usullarini o'rgatish

4. Turizmda ArcGIS dasturini o‘rgatish

5. Tadqiqot metodologiyasini o'qitish

6. Madaniyat va merosni o'rgatish.

Shuningdek, u bitta kitobda katta hissa qo'shdi: "Qadimgi qurollanish poygasi: antik davrning eng katta qal'alari va Shimoliy Eronning sosoniy harbiy tarmoqlari", Erberxard Sauer va boshqalar tomonidan tahrirlangan.

2021-2022 oʻquv yilida 2 ta kitob bobi chop etildi, jumladan:

1. Buyuk Gorgan devori va uning ichki qismidagi istehkomlardan o'xshash turdagi kemalarning kimyoviy va tebranish spektroskopik tahlillari

2. Buyuk Gorgan devori va uning ichki qismidagi istehkomlardan sosoniylarning kulolchilik buyumlarini qiyosiy tadqiq qilish

Mariya Dag‘mexchi Turkiyaning Koch universitetining arxeologiya va san’at tarixi bo‘yicha to‘liq stipendiyasini yutib oldi. “Ipak yo’li” turizm va madaniy meros xalqaro universitetidagi faoliya bugun yakuniga yetdi. Universitet birinchi prorektori prof. J.D.Eltazarov unga ish joyidan ma’lumotnoma topshirdi.

Yaqin kunlarda hamkasbimiz Turkiyaga jo‘nab ketadi. Hayotining yangi va mas’uliyatli bosqichiga qadam qo‘yayotgan Mariya Dag‘mehchiga universitetimiz rahbariyati hamda professor-o‘qituvchilar jamoasi nomidan muvaffaqiyat va omad tilaymiz. U yaqin orada universitetimizga arxeologiya va san’at tarixi bo‘yicha mutaxassis sifatida qaytishiga ishonamiz.

Ma’lumki, O‘zbekiston respublikasi Turizm va madaniy meros vazirligining tashabbusiga ko‘ra shu kunlarda O‘zbekiston va boshqa ShHT a’zo mamlakatlari rangtasvir ustalari Samarqandda bo‘lishib, shahrimiz, viloyatimiz va mamlakatimizning osori atiqalari, xalqimizning kundalik hayoti hamda tarixiga oid badiiy polotnolarni yaratmoqdalar.

Bu rassomlar guruhi orasida yurtimizda mashhur rangtasvirchi rassom Dilorom Mamedova ham bor. Ushbu rassom ning mo‘yqalamidan chiqqan “Ostona”, “Kelish va ketish”, “Bolalik”, “Umr o‘tar”, “Qishloqdagi hayot”, “Dala tabiati”, “Qish go‘zalligi” “Bolalik”, “Devor”, “Anor”, “G‘ilon”, “Kuz”, “So‘qmoq”, “Chorvoq” kabi yuzlab polotnolarda Vatanimizning  go‘zal tabiat manzaralari,  inson hayotining mahzun va quvnoq sahnalari katta mahorat bilan ifodalangan va Dilorom Mamedovaga katta  obro‘ va olqishlar keltirgan.

O‘zbek rassomining badiiy polotnolari dunyoning turli o‘lkalaridagi ko‘rgazmalarida namoyish qilingan, shuningdek, Dilorom Mamedovaning asarlari O‘zbekiston, Rossiya, Turkiya, Germaniya, AQSh, Shvesariya, Angliya, Yaponiya, Hindiston, Avstriya, Eron, Isroil, Quvayt davlatlari muzeylaridan va shaxsiy kolleksiyalaridan o‘rin olgan

Dilorom Mamedova universitet kutubxonasiga  o‘zining va mehmon rassomlarning albomlari to‘plamini sovg‘a qildi. Bu albomlardan talababalr va o‘qituvchilar madaniy meros va uni asrash fanlarini o‘rganishda muvaffaqiyatli foydalanishi mumkin.

Manzil: Samarqand viloyati, Samarqand shahri. Universitet xiyoboni, 17

Sana: 22-avgust, 2022-yil

Vaqti: 9:00

Joyi: Universitet o’quv binosi, 229-xona

Joriy yilning 10 avgust kuni “Ipak yo‘li” xalqaro turizm va madaniy meros universitetida O‘zbekiston Respublikasining joriy yil 7 iyundagi “Reklama to‘g‘risida”gi PF-776-sonli qonuni to‘g‘risida tushuntirish tadbiri bo‘lib o‘tdi.

Ushbu Qonunning maqsadi-adolatli raqobat va qonuniylik tamoyillariga asoslangan O‘zbekiston reklama bozorini rivojlantirish uchun qulay shart-sharoitlarni ta’minlash (yaratish).

O‘zbekiston Respublikasi monopoliyaga qarshi kurashish qo‘mitasi huzuridagi Iste'molchilar huquqlarini himoya qilish agentligi tomonidan universitet xodimlari ta’lim sohasida reklama joylashtirish uchun qonunning ayrim talablariga muvofiq tayyorlangan materiallardan xabardor bo‘lishlari uchun materiallar yuborildi.

O‘qituvchilar, professional gidlar tomonidan volontyorlar uchun ma’ruzalar, amaliy mashg‘ulotlar o‘tkazildi. ShHTning bo‘lajak tadbirlariga oid turli mavzular muhokama qilindi.
Talabalar o‘quv seminarlarida faol ishtirok etib, o‘qituvchilardan qimmatli ma’lumotlarga ega bo‘ldilar.
Talabalar tarixiy maskan – Afrosiyob muzeyiga ham tashrif buyurishdi. U yerda professional gid – Beknazar Berdiyev hamrohligida volontyorlar uchun ekskursiya uyushtirilib, ular foydali va qiziqarli ma’lumotlarga ega bo‘lishdi.
Shuningdek, ba’zi volontyorlar yo‘lda boshqa tengdoshlari bilan shahrimiz, urf-odatlarimiz va tariximiz haqida ma’lumot almashdi.
Seminar yakunida volontyorlarga sertifikatlar topshirildi.

- ShHTga a’zo davlatlarning Ta’lim yoki Turizm vazirligining tavsiyanomasiga ko‘ra, O‘zbekiston Respublikasida Xalq ta’limi vazirligi tavsiyanomasi bilan esse tanlovida ishirok etadigan 10 tagacha nomzodlar ro‘yxati elektron tarzda qabul qilinadi;

- tanlovda 10-12 yoshli maktab o‘quvchilari ishtirok etadi;

- nomzodlar Samarqanddagi me’moriy obidalar va ularga oid qiziqarli ma’lumotlarni badiiy tarzda ifoda etadilar;

- esse 200 tagacha so‘zdan iborat bo‘ladi;

- esse o‘zbek, rus, ingliz hamda xitoy tillarida yozilishi mumkin;

- 10-sentabrgacha esse pdf. formatda e-mail: Этот адрес электронной почты защищён от спам-ботов. У вас должен быть включен JavaScript для просмотра. pochtaga yuklanishi lozim;

- 15-sentabrda esse natijasi e’lon qilinadi

- har bir davlatdan 1 nafar nomzod g‘olib deb topiladi;

- esse g‘olibi va unga biriktirilgan hamrohga Samarqand bo‘ylab
3 kunlik sayohat qilishi (Samarqandga kelib ketish avia chiptalari, mehmonxona, ovqatlanish, ichki transportda olib yurish hamda gidlar bilan ta’minlash) harajatlari qoplanadi.

“Navoiy g‘azalxonligi” tanlovi konsepsiyasi:

- - ShHTga a’zo davlatlarning Ta’lim yoki Turizm vazirligining tavsiyanomasiga ko‘ra, O‘zbekiston Respublikasida Xalq ta’limi vazirligi tavsiyanomasi bilan g‘azalxonlik tanlovida ishirok etadigan 10 tagacha nomzodlar ro‘yxati elektron tarzda qabul qilinadi;

- Navoiyning quyidagi mashhur “Qaro ko‘zum”, “Orazin yopqoch ko‘zumdin...”, “O‘n sakkiz ming olam oshubi...”, “Meni men istagan...”, “Jong‘a chun derman”, “Nozaninlar benavolarg‘a tarahhum aylangiz...”, “Mehr ko‘p ko‘rguzdum, ammo…”, “Mubtalo bo‘ldim sanga”, “Kecha kelgumdir debon...”, “Yordin ayru ko‘ngul...” g‘azallaridan biri nomzodlar tomonidan ixtiyoriy tanlab olinadi;

- nomzodlar maktab bitiruvchi o‘quvchilari bo‘lishi talab etiladi;

- g‘azal nomzodlar tomonidan o‘zbek tilida ifodali o‘qilishi talab etiladi;

- nomzodlarning o‘zlari g‘azal o‘qish jarayonini video-roligini tayyorlaydilar. Video-rolik davomiyligi 3 daqiqadan oshmasligi lozim;

- 2022-yil 10-sentabrga qadar video-rolik mp4 formatda
e-mail: Этот адрес электронной почты защищён от спам-ботов. У вас должен быть включен JavaScript для просмотра. pochtaga joylashtirilishi lozim;

- 15-sentabrda g‘azalxonlarning natijasi e’lon qilinadi;

- tashkil qilingan komissiya tomonidan har bir davlatdan 1 nafar nomzod g‘olib deb topiladi;

- g‘azalxonlik g‘olibi va unga biriktirilgan hamroxga Samarqand bo‘ylab 3 kunlik sayohat qilishi (Samarqandga kelib ketish avia chiptalari, mehmonxona, ovqatlanish, ichki transportda olib yurish hamda gidlar bilan ta’minlash) harajatlari qoplanadi.