Bahorning iliq kunlarida darsdan keyin sport bilan shug‘ullanish kishi uchun zavq bag‘ishlash bilan birga, salomatlik garovi ham hisoblanadi. Shu kunlarda talabalarimizning bo‘sh vaqtini mazmunli tashkil qilish maqsadida universitetimizga qarashli Talabalar turar joyidagi sport maydonchalarida qizlar uchun sportning badminton, o‘g‘il bolalar uchun futbol turlari bo‘yicha musobaqalar o‘tkazilib kelinayapti. Musobaqada barcha talabalarimiz faol bo‘lish bilan birga musobaqalarda g‘oliblikka ham erishib kelayapti.

Ostonov O‘tkir Yangiboyevichning iqtisodiyot fanlari bo’yicha falsafa doktori (PhD) dissertatsiyasini himoya qilish bo’yicha Ostonov O’tkir Yangiboyevichning 08.00.17 – “Turizm va mehmonxona faoliyati” ixtisosligi bo‘yicha «QISHLOQ TURIZMINI RIVOJLANTIRISH VA TASHKILIY–IQTISODIY MEXANIZMLARINI TAKOMILLASHTIRISH» mavzusida falsafa doktori (PhD) dissertatsiyasining himoyasi “Ipak yo‘li” turizm va madaniy meros xalqaro universiteti huzuridagi ilmiy darajalar beruvchi DSc.33/01.02.2022.I.145.01 raqamli Ilmiy kengashning 2024-yil 27-aprel kuni soat 10:30 dagi majlisida bo‘lib o‘tadi.

Shu kunlarda yurtimizda, xususan ko‘hna va hamisha navqiron Samarqandda mehmon bo‘lib turgan BAA Sharja amirligi Hukumati ijrochi raisi Shayx Fahim ibn Sulton Ol Qosimiy boshchiligidagi delegatsiya a’zolari 18-aprel kuni “Ipak yo‘li” turizm va madaniy meros xalqaro universitetida bo‘lishdi. Delegatsiya a’zolariga universitet tarixi va bugun kundagi faoliyati, turizm sohasiga mutaxassislar tayyorlash borasidagi ishlar, Turizm Akademiyasi xususida universitetimiz rektori Aziz Abduhakimov to‘liq ma’lumot berdi. Mehmonlar universitetda ta’lim-tarbiya jarayoni yaratilgan shart-sharoit va imkoniyatlar bilan yaqindan tanishdi. Delegatsiya a’zolarida universitetimizda tashkil qilingan turli san’at asarlari, milliy liboslar galeriyasi, turizm sohasidagi laboratoriyalar, kutubxona, sport zal faoliyati juda katta taassurot qoldirdi.

 - Menga Samarqanddagi “Ipak yo‘li” turizm va madaniy meros xalqaro universiteti juda katta taassurot qoldirdi. Oliygohda ma’naviy qiymati juda yuqori bo‘lgan san’at asarlari borligini ko‘rib hayratga tushdim va qiziqishim yanada ortdi. Zamonaviy kampusdagi xorijlik va mahalliy talabalar uchun yaratilgan shart-sharoit va imkoniyatlar turizm sohasining kelajagining yanada yorqinligidan dalolat beradi.   

Ma’lumot uchun 18 aprel kuni Samarqanddagi “Ipak yo‘li” turizm va madaniy meros xalqaro universiteti qoshidagi Art-Rezidensiyada Sharja amirligining arxeologik topilmalari ko‘rgazmasining ochilishi bo‘lib va unda  BAA Sharja amirligi Hukumati ijrochi raisi Shayx Fahim ibn Sulton Ol Qosimiy, O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi vaziri Aziz Abduhakimov, Sharja arxeologiya boshqarmasi bosh direktori Eisa Yusuf, BAA delegatsiyasi vakillari, mahalliy mutaxassislar ishtirok etdi.

Joriy yilning 1-mart kuni Markaziy Osiyo xalqaro ilmiy-tadqiqotlar instituti direktori Evren Rutbil universitetimizga tashrif buyurdi. Mehmonni universitet Birinchi prorektori, prof. J.Eltazarov kutib oldi va bugungi kunda ushbu institut tomonidan olib borilayotgan keng ko‘lamdagi ishlar haqida o‘z fikr-mulohazalarini bildirdi. Xususan, Markaziy Osiyo xalqaro ilmiy-tadqiqotlar instituti direktori Evren Rutbil ham “Ipak yo‘li” turizm va madaniy meros xalqaro universitetining Turkiya oliygohlari bilan amalga oshirayotgan keng ko‘lamdagi hamkorligi va uning natijalariga to‘xtalib o‘tdi. Mehmon universitetimiz kutubxonasiga qimmatli ma’lumotlarga ega bo‘lgan kitoblarni tuhfa qildi.

“Ipak yo‘li” turizm va madaniy meros xalqaro universiteti bo‘limlardagi bo‘sh ish o‘rinlariga munosib nomzodlarni ishga taklif qiladi

Lavozim nomi: Ilmiy-tadqiqotlar bo‘limi yetakchi mutaxassisi

Ma’lumot: Oliy (bakalavr yoki magistr).

Mutaxassislik: Iqtisodiyot, turizm, tarix (arxeologiya).(TOP-500, TOP-1000 ro‘yxatidagi OTMlarni tugatgan nomzodlarga qo‘shimcha ball beriladi.)

Xorijiy tilni bilish darajasi: Rus va ingliz tillarini bilishi, ingliz tili (IELTS 6,0 yoki davlat test markazi tomonidan beriladigan chet tilini bilish to‘g‘risidagi sertifikat-CEFR B2 darajasida bilishi).

Kompyuter savodxonligi: Microsoft Office (Word, Excel, Power point), ofis dasturlarini mukammal bilishi, internet va ijtimoiy tarmoqlardan foydalana olishi hamda Kompyuterda ishlash bo‘yicha amaliy ko‘nikmalarga ega bo‘lishi lozim.

Lavozim majburiyatlari: Ilmiy tadqiqotlar bo‘limi yetakchi mutaxassis O‘zbekiston Respublikasi Konstitutsiyasi va qonunlarini, turizm faoliyati bilan bog‘liq bo‘lgan me’yoriy hujjatlarni, O‘zbekiston Respublikasi Mehnat Kodeksini, universitet Ustavi, ish yuritish qoidalarini, o‘z faoliyatiga taalluqli Nizom, yo‘riqnomalar va me’yoriy hujjatlarni, universitet ichki tartib-qoidalarini bilishi shart.

         Ilmiy tadqiqotlar bo‘limi yetakchi mutaxassis Ilmiy-tadqiqotlar bo‘limi Nizomiga muvofiq quyidagi funksiyalarni bajaradi: bo‘limga taqdim etiladigan hisobotlarning to‘g‘ri tuzilishi va o‘z vaqtida topshirilishi bo‘yicha nazoratni olib boradi; doktorantura, tayanch doktorantura, mustaqil tadqiqotchilar va stajor tadqiqotchilarning barcha hujjatlarini Oliy ta’lim fan va innovatsiyalar vazirligi   veb-saytiga yuklaydi;

         Doktorantura, tayanch doktorantura, mustaqil izlanuvchilar va stajor-tadqiqotchilarning ilmiy ishlari mavzularini universitet Ilmiy Kengashiga tasdiqlatish va keyinchalik uni Oliy Attestatsiya Komissiyasi byulleteniga chiqarish bilan bog‘liq barcha ishlarni tashkillashtiradi; turli darajadagi ilmiy-amaliy konferentsiyalarni tashkil etishda qatnashadi; bo‘lim faoliyatining asosiy yo‘nalishlariga ta’alluqli axborot va materiallarni tayyorlashda ishtirok etadi; talabalarning Startup loyihalari bo‘yicha tanlovlarni tashkil etishda ishtirok etadi; kafedra (maktab, markaz) tarkibidagi ilmiy-tadqiqot guruhlari bilan hamkorlikda ilmiy faoliyatni muvofiqlashtiradi.

Lavozim nomi: Yuridik byuro bo‘limi boshlig‘i.

Ma’lumot: Oliy (bakalavr yoki magistr).

Mutaxassislik: huquqshunos
(TOP-500, TOP-1000 ro‘yxatidagi OTMlarni tugatgan nomzodlarga qo‘shimcha ball beriladi).

Mehnat staji: Yurispendensiya sohasida davlat organlari va uning tizim tashkilotlarida kamida 3-6 yillik yil ish stajiga ega bo‘lishi lozim.

Xorijiy tilni bilish darajasi: Rus va ingliz tillarini bilishi, ingliz tili (IELTS 6,0 yoki davlat test markazi tomonidan beriladigan chet tilini bilish to‘g‘risidagi sertifikat-CEFR B2 darajasida bilishi).

Kompyuter savodxonligi: Microsoft Office (Word, Excel, Power point), ofis dasturlarini mukammal bilishi, internet tarmoqlaridan foydalana olishi
hamda kompyuterda ishlash bo‘yicha amaliy ko‘nikmalarga ega bo‘lishi lozim.

Lavozim majburiyatlari:

Ta’lim muassasasining barcha huquqiy hujjatlarini, bitimlarni yuridik ekspertizasini o‘tkazish;

ish yuritish va hujjatlar bilan ishlash bo‘yicha malakaga ega bo‘lishi;

iqtisodiy, mehnat, fuqarolik protsessual qonunchilikni yaxshi bilish;

 barcha turdagi protsessual hujjatlar loyihalarini tayyorlash (shartnomalar, arizalar, iltimosnomalar, tushuntirishlar va boshqalar) va ularni huquqiy tahlil qilish;

sud instansiyalari va davlat organlarida ishonchli vakillarning manfaatlarini ifodalash uchun hujjatlarni to‘plash, tahlil qilish va tayyorlash;

tizimli fikrlash, stressga chidamlilik, xushmuomalalik, ziddiyatsizlik, aniqlik, vazifalarni mustaqil va ijodiy bajarish qobiliyatiga ega bo‘lish;

Lavozim nomi: Korrupsiyaga qarshi kurashish bo‘yicha bosh mutaxassis.

Ma’lumot: Oliy (bakalavr yoki magistr).

Mutaxassislik: Korrupsiyaga qarshi kurashish va komplayens nazorati, Buxgalteriya hisobi va audit, moliya va iqtisodiyot yo‘nalishlari
(TOP-500, TOP-1000 ro‘yxatidagi OTMlarni tugatgan nomzodlarga qo‘shimcha ball beriladi.)

Mehnat staji: Korrupsiyaga qarshi kurashish sohasida davlat organlari va uning tizim tashkilotlarida kamida 3 yil ish stajiga ega bo‘lishi lozim.

Xorijiy tilni bilish darajasi: Rus va ingliz tillarini bilishi, ingliz tili (IELTS 6,0 yoki davlat test markazi tomonidan beriladigan chet tilini bilish to‘g‘risidagi sertifikat-CEFR B2 darajasida bilishi).

Kompyuter savodxonligi: Microsoft Office (Word, Excel, Power point), ofis dasturlarini mukammal bilishi, internet va ijtimoiy tarmoqlardan foydalana olishi
hamda Kompyuterda ishlash bo‘yicha amaliy ko‘nikmalarga ega bo‘lishi lozim.

Lavozim majburiyatlari: Soha bo‘yicha normativ-huquqiy hujjatlarni bilishi, korrupsiyaga qarshi kurashish bo‘limi bosh mutaxassisining asosiy maqsadi tashkilotda, shuningdek, uning hududiy va tarkibiy bo‘linmalarida korrupsiyaga qarshi kurash bo‘yicha ISO37001:2016 xalqaro standarti talablariga javob beruvchi kompleks tizimni, xususan, korrupsiyaga qarshi kurashish tizimini joriy etish va rivojlantirish, korrupsiyaviy holatlarni barvaqt aniqlash va ularning sabab va shart-sharoitlarini bartaraf etish, korrupsiyaviy xatti-harakatlar sodir etilishining oldini olish, tashkilot tizimi xodimlarida korrupsiyaga nisbatan murosasiz munosabatni shakllantirish maqsadida ularning huquqiy ongi va madaniyatini oshirish, tashkilot tizimida korrupsiyaga qarshi profilaktik chora-tadbirlarni tashkil etish, korrupsiyaga qarshi kurashish sohasidagi hujjatlar ijrosini ta’minlashdan iborat.

“Ipak yo’li” turizm va madaniy meros xalqaro universiteti nomzodlarga:

• barqaror oylik maosh,
• istiqbolli karyerani nazarda tutgan qiziqarli mehnat faoliyatini,

Ish tartibi: dushanbadan juma kuniga qadar

Ish vaqti: 09:00 dan 18:00 gacha

Dam olish kuni: shanba, yakshanba.

Hujjatlarni topshirish muddati: 2024- yil 15-mart (shu kuni soat 18:00 qadar).

Nomzodlar Этот адрес электронной почты защищён от спам-ботов. У вас должен быть включен JavaScript для просмотра. elektron manziliga yoki +998 93 523 22 95 telegram raqamiga quyidagi ma’lumotlarni yuborishi kerak:

• O‘zbek yoki (rus), ingliz tilidagi KPI.
• Til bilish sertifikati.
• Ma’lumotnoma va diplom.

Ma’lumot uchun telefonlar:

+998 66 240-67-73

Bugun bahorning ilk kuni 1-mart. Ushbu kunda o‘zbek xalqining otashnafas shoiralaridan biri Zulfiyaxonim tavallud topgan. Shu munosabat bilan oliygohimiz xotin-qizlar kengashi tashabbusi bilan “Sadoqat saroyining mangu malikasi yoxud Zulfiyaxonim” nomli ma’naviy-ma’rifiy tadbir tashkil qilindi.  She’riyat kechasiga Yozuvchilar uyushmasi viloyat bo‘limi rahbari T.Tugalov va shoirlar taklif qilindi. Dastlab tadbirni universitetimiz Birinchi prorektori J.Eltazarov kirish so‘zi bilan ochib barchani bahorning birinchi kuni bilan qutladi va Zulfiyaxonim ijodi va faoliyatiga to‘xtalib o‘tdi.

Bu yil Zulfiyaxonim tavalludining 109 yilligi nishonlanmoqda. Tadbirda  Yozuvchilar uyushmasi viloyat bo‘limi rahbari T.Tugalov va shoir Yu. Axmedov so‘z olib shoira ijodidan namunalar o‘qish bilan birga ijodkorning  betakror isteʼdodi, vatanga, yorga bo‘lgan muhabbatini ta’riflab berishdi. She’riyat kechasida universitetimiz talabalari ham turli tillarda Zulfiyaxonim ijodidan she’rlar o‘qib, qo‘shiqlar kuylashdi. Tadbirning viktorina ya’niy savol-javob qismida ko‘plab talabalarimiz faol ishtirok etib shoira she’rlaridan o‘qidi. Tadbir so‘nggida Zulfiyaxonim va uning turmush o‘rtog‘i H.Olimjon haqilagi videofilm namoyish qilindi. Bir so‘z bilan aytganda o‘zbek xalqining buyuk shoirasi Zulfiyaxonim tavalludiga bag‘ishlangan tadbir talabalarimizda katta taassurot qoldirganligi bilan ahamiyatli bo‘ldi.

      -Meni universitetimizda ham Zulfiyaxonim izdoshlari borligi xursand qiladi. Birgina joriy yilda Zulfiya nomidagi davlat mukofotining respublika bosqichida to‘rt nafar qizlarimizning ishtirok etganligi ham ushbu fikrimizga yaqqol misol bo‘la oladi,-deydi universitetimiz xotin-qizlar kengashi raisi M.Abbasova.

Joriy yilning 30-yanvar kuni “Ipak yo‘li” turizm va madaniy meros xalqaro universiteti hamda Ixtisoslashtirilgan ta’lim muasassalari agentligi tizimidagi Samarqand tumani ixtisoslashtirilgan maktabi o‘rtasida memorandum imzolandi. Ushbu memorandumni “Ipak yo‘li” turizm va madaniy meros xalqaro universiteti Birinchi prorektori J.Eltazarov va Samarqand tumani ixtisoslashtirilgan maktabi maslahatchisi O. Shamsiev imzoladi.

 Aniq va tabiy fanlarga  ixtisoslashgan ushbu maktabda 343 nafar o‘quvchi ta’lim-tarbiya oladi. Ushbu memorandum doirasida professor-o‘qituvchilar tomonidan Samarqand tumani ixtisoslashtirilgan maktabida ochiq dars jarayonlari tashkil qilinishi, o‘quvchi-yoshlarning universitetga sayohatini tashkil qilinish kabi tadbirlar ko‘zda tutilgan. Ahamiyatlisi, ushbu maktab o‘quvchilarning ko‘pchiligi universitetimizda ta’lim olishga qiziqishmoqda.