Yangiliklar: Sentyabr 2023

“Ipak yo‘li” turizm va madaniy meros xalqaro universiteti tayanch doktoranturaga (PhD), stajor tadqiqotchilikka 08.00.17-Turizm va mehmonxona faoliyati ixtisosligi bo‘yicha, mustaqil izlanuvchilikka (PhD, DSc) 08.00.05-Xizmat ko‘rsatish tarmoqlari iqtisodiyoti,
08.00.11-Marketing, 08.00.13-Manejment, 08.00.17-Turizm va mehmonxona faoliyati ixtisosliklari bo‘yicha tanlov e’lon qiladi.

Tayanch doktotorantura (PhD), mustaqil izlanuvchilk(PhD, DSc)ga o‘qishga talabgorlar quyidagi hujjatlarni tadqim etishlari zarur:

1) Ariza;

2) Qisqacha biografik ma’lumotnoma (obyektivka)

3) Mehnat daftarchasining belgilangan tartibda tasdiqlangan nusxasi (ishlayotgan talabgorlar uchun);

4) Oliy ta’lim muassasasi magistraturasi diplomi, oliy ma’lumot to‘g‘risidagi diplom nusxasi,  ilovalari bilan birgalikda;

5) Nashr etilgan ilmiy ishlar ro‘yxati, shuningdek ularning nusxalari (pdf);

6) Pasport nusxasi;

7) 3x4 rasm, 2 dona;

8) Taxminiy dissertatsiya mavzusi va asosnomasi;

9) Ish joyidan tavsifnoma

10) Til bo‘yicha milliy yoki unga mos darajadagi xalqaro sertifikat

11) O‘zbekiston Respublikasi Prezidenti Davlat stipendiyasi hujjat nusxasi (agar mavjud bo‘lsa).

Stajor tadqiqotchilik instituti oliy ta’limdan keyengi ta’lim institutiga tayyorgarlik boshqichi hisoblanishi belgilanganligi sababli talabgorlardan chet tilini bilish darajasini tasdiqlovchi sertifikat talab etilmaydi.

Barcha hujjatlar pdf shaklda tayyorlanib Oliy ta’limdan keyingi ta’limni muvofiqlashtiruvchi yagona elektron tizim http://phd.mininnovation.uz orqali ro‘yxatdan o‘tgan holda yuboriladi.

Qabul: 15-sentabrdan 15-oktabrgacha

“Ipak yo‘li” turizm va madaniy meros xalqaro universitetida Oliy ta’limdan keyingi ta’lim institutlariga huttaj topshirgan talabgorlar uchun kirish imtihonlari mutaxassislik fanidan bo‘lib o‘tadi. Imtihon kunlari to‘g‘risida qo‘shimcha e’lon beriladi.

Manzilimiz: Samarqand shahri, Universitet xiyoboni 17, “Ipak yo‘li” turizm va madaniy meros xalqaro universiteti Ilmiy tadqiqotlar bo‘limi

Murojaat uchun telefon: +998 66 240 67 85

Elektron manzil: Этот адрес электронной почты защищён от спам-ботов. У вас должен быть включен JavaScript для просмотра.; Этот адрес электронной почты защищён от спам-ботов. У вас должен быть включен JavaScript для просмотра.

2023-yil 31-avgust kuni Osiyoda hamkorlik va ishonch boʻyicha kengash Kotibiyatining faol koʻmagida Xitoy Xalq Respublikasi poytaxti Pekin shahrida CICA-2023 Yoshlar taraqqiyoti forumi bo‘lib o‘tdi.

Mazkur forumda Turizm menejmenti kafedrasi o‘qituvchisi Sanjar Mardonov onlayn tarzda faol qatnashib,  o'z ma’ruzasi bilan ishtirok etdi. Forumda mazmunli taqdimot nutqi hamda faol ishtirok etganligi hamda mazkur loyihani qo'llab-quvvatlaganligi uchun S.Mardonovga tashkilotchilar nomidan minnatdorchilik maktubi yuborildi. Tashakkurnoma xatida universitetimiz bilan turli shakl va sektorlarda yaqinroq aloqa va hamkorlik qilish istagi bildirilgan.

Shu kunlarda Samarqanddagi “Ipak yo‘li” turizm va madaniy meros xalqaro universiteti tasarrufida tashkil etilgan “Art station by Silk Road University” galereyasining “Ichki ufq: O‘zbekiston 1930 yillarda Ella Mayar suratlarida” nomli ko‘rgazmasi bo‘lib o‘tmoqda.

“Ipak yo‘li” turizm va madaniy meros xalqaro universiteti rektori Aziz Abduxakimovning tashabbusi bilan 14-sentabr kuni Samarqand viloyati xalq ta’limi va maktabgacha ta’limi boshqarmasiga qarashli umumta’lim maktablari o‘quvchilarining ushbu san’at galereyasiga amaliy ekskursiyasi tashkil qilindi. Ekskursiya 8-sentabrdan boshlanib 8-oktabrgacha davom etadi. Tadbir davomida Samarqand shahrida joylashgan barcha ta’lim muassasalari o‘quvchilarining galerayaga tashrifi maqsad qilib olingan.

Joriy yilning 8-sentabr kuni prorektor professor Toni Zou, BGI Bioverse bosh direktori, Xitoy Davlat kalit laboratoriyasi direktori o‘rinbosari va Xitoy qishloq xo‘jaligi vazirligining asosiy laboratoriya direktori, doktor Liu Xuanni qabul qildi. Bosh direktor Liu Huang va professor Zou BGI “Ipak yo‘li” turizm va madaniy meros xalqaro universiteti o‘rtasida arxeologiya va madaniy meros, ovqatlanish, oziq-ovqat xavfsizligi laboratoriyalar qurish, talabalar amaliyoti, o‘qituvchilar malakasini oshirish kabi masalalar yuzasidan o‘zaro hamkorlikni yo‘lga qo‘yish borasida fikr almashdi.  

BGI shtab-kvartirasi Xitoyning Shenchjen shahrida joylashgan bo‘lib, filiallari va tibbiy laboratoriyalari Pekin, Tyantszin, Uxan, Shanxay va Guanchjou kabi mamlakatning yirik shaharlarida joylashgan. Shuningdek, Gonkong, Evropa, Amerika, Osiyo-Tinch okeani va boshqa mintaqalarda ham markazlari va laboratoriyalari mavjud.

Joriy yilning 11-sentabr kuni “Ipak yo’li” turizm va madaniy meros xalqaro universiteti xotin-qizlar kendashi tomonidan oliygohda faoliyat yuritayotgan olimalar, ma’rifatparvar ayollar, “Oqila ayollar” harakati a’zolari bilan birgalikda  Samarqand turizm va madaniy meros texnikumi talaba-qizlari ishtirokida "XXI asr ayoli" shiori ostida “Baxtli oila formulasi” mavzusida davra suhbati o’tkazildi.  Davra suhbatida mamlakatimizdagi xotin-qizlar o’rtasida  ma’naviy-ma’rifiy ishlarni tizimli tashkil etish, ayniqsa, talaba yoshlarning intellektual salohiyati, ongu tafakkuri va dunyoqarashini yuksaltirish, mafkuraviy immunitetini mustahkamlash, vatanparvarlik, xalqqa muhabbat va sadoqat tuyg‘usi bilan yashaydigan barkamol avlodni tarbiyalash kabi muhim masalalarga e’tibor qaratildi.

          Tadbirda “Ipak yo’li” turizm va madaniy meros xalqaro universiteti xotin-qizlar kengashi raisi M.Abbasovaning "Xotin-qizlar va bolalar huquqlarining qonuniy kafolatlari” va “Xotin-qizlarga nisbatan taziyq va zo‘ravonlikni oldini olish”  mavzularidagi ma‘ruzalarida xotin-qizlar va bolalar huquqlari, erkinliklari hamda qonuniy manfaatlarini ishonchli himoya qilish tizimini yanada takomillashtirilishi munosabati bilan O‘zbekiston Respublikasining ayrim qonun hujjatlariga ozgartirish va qo‘shimchalar kiritganligi xususidagi fikr-mulohazalari tinglandi.

 Shuningdek davra suhbatida Turizm menejmenti fakulteti boshlig’i R.Toshniyozova "Ilm saodat kaliti", “Tarix va madaniy meros kafedrasi” mudiri M.Sidikova “Madaniy meros yo’nalishiga oid to’garaklar faoliyatining ahamiyati”, unversitet axborot resurs markazi etakchi mutaxassisi A.Izbasarova “O‘quv va badiiy adabiyotlarning elektron  bazalari” kabi mavzularidagi ma’ruzalari bilan faol ishtirok etishdi. Tadbirda oliygohimizning “Qizlarjon” va “Ledir  qizlar klubi” sardorlarining klub faoliyati haqidagi fikrlari tinglanib, Samarqand turizm va madaniy meros texnikumi talaba-qizlarini ham ushbu klublarga a‘zo bo‘lishlari taklif qilindi.

Bugungi kunda Samarqand shahri, Bobur Mirzo ko‘chasi 3-uy manzilida Butunjahon turizm tashkiloti (UNWTO) shafeligida Xalqaro turizm akademiyasi Samarqand kampusi barpo etilmoqda. Ushbu akademiya mamlakatimizning turizm salohiyatini yanada yaxshilash va turizm sohasida malakali kadrlar tayyorlashda muhim loyiha bo‘lib hisoblanadi. Akademiya binosida 1500 kv. m maydonda kafe va restoranlar tashkil qilish rejalashtirilgan.

Shu munosabat bilan, “Ipak yo‘li” turizm va madaniy meros xalqaro universiteti ma’muriyati restoran biznesi sohasida faoliyat yurituvchi tadbirkorlarni hamkorlikka chaqiradi.

Ijaraga berish shartlari:

Ijaraga oluvchi ijaraga berilgan hududdan faqatgina yuqori darajadagi ovqatlanish xizmatlari (kafe, restoran va boshqa)ni tashkil qilish uchun foydalanadi.

Ijaraga oluvchi ijaraga berilgan joyni balansda saqlovchi tomonidan taqdim etilgan loyihaga muofiq o‘z mablag‘lari hisobidan ta’mirlash va jihozlash ishlarini amalga oshiradi.

Ijaraga berilgan joy uchun tadbirkor tomonidan qilingan xarajatlarni qoplash uzoq muddatga ijara to‘lovlaridan ozod qilish yo‘li bilan kompensatsiya qilinadi.

Murojaat uchun :

+998 91 544 40 07 (Akobir Sultonov)

+998 93 565 05 24 (Alisher Shamsiddinov)

Binoni fasad qismining ko‘rinishi

Restoran va kafelar uchun taklif etilgan ichki interyer dizayn

Binoning ijara uchun ajratilgan qismi

Oʻzbekiston Respublikasi Oliy ta’lim, fan va innovatsiyalar vazirligi huzuridagi Bilim va malakalarni baholash agentligining  https://my.uzbmb.uz/ platformasi orqali ro‘yxatdan o‘tgan va o‘tkazilgan test sinovlarida minimal saralash ball (56,7)ni to‘plagan, biroq to‘lov-kontrakt asosida talabalikka tavsiya etish chizig‘i chegarasigacha yetarli ball to‘play olmagan abituriyentlarni universitet qabul kvotasi doirasida bo‘sh qolgan o‘rinlarga ballar ketma-ketligiga qatʼiy rioya qilingan holda to‘lov-kontrakt asosida talabalikka tavsiya etamiz.

(Oʻzbekiston Respublikasi Oliy ta’lim, fan va innovatsiyalar vazirligi huzuridagi Bilim va malakalarni baholash agentligining  platformasida ro‘yxatdan o‘tishda o‘zining tanlovi sifatida “Ipak yoʻli” turizm va madaniy meros xalqaro universitetini ko‘rsatgan bo‘lishi shart)

Abituriyentlar tomonidan murojaat etishning soʻnggi muddati 2023-yil 1-oktabr.

Qo'shimcha ma'lumotlar uchun quyidagi telefon raqamlariga murojaat qiling:

+998662406770

+998662408616

+998662406786

+998662408606

“Ipak yoʻli” turizm va madaniy meros xalqaro universitetini tanlab, Siz ishonchli kelajakni tanlaysiz!!!

Joriy yilning 8-sentabr kuni “Ipak yo‘li” turizm vamadaniy meros xalqaro universitetida rassom Vasiliy Zaxarskiyning turli davrlarga oid grafik asarlardan tashkil topgan “Hayot lahzalardan iborat” deb nomlangan ko‘rgazmasi bo‘lib o‘tdi. Ushbu ko‘rgazma Urganch shahridagi O‘zbekiston zamonaviy san’at muzeyi tomonidan “Ipak yo‘li” turizm va madaniy meros xalqaro universiteti bilan hamkorlikda tashkil qilindi.

 Ta’kidlash joizki, ushbu muallifning ijodiy ishlari tasviriy san’atni yanada ommalashtirish, talaba yoshlarning san’atga bo‘lgan qiziqishini oshirish maqsadida universitetimizga hamda Urganch shahridagi O‘zbekiston zamonaviy san’at muzeyiga doimiy saqlash uchun tuhfa qilingan. Tadbirda rassomning hayoti va ijodiga to‘xtalib o‘tildi va asarlar mazmun-mohiyati yuzasidan qiziqarli fikrlar aytildi. Ko‘rgazma so‘nggida ishtirokchilar rassom qalamiga mansub ijod namunalarini tomosha qilishdi.

Joriy yilning 8-sentabr kuni reja asosida universitetimiz mutasaddilari talaba qizlarining yashash sharoitlari hamda oilalardagi ichki muhitning qay darajada shakllanganligi bilan tanishish, uy egalari bilan ushbu o’quv yili uchun ijara shartnomasi tuzishda ko‘maklashish maqsadida qator aholi xonadonlarida bo‘lishdi.

“Ipak yo‘li” turizm va madaniy meros xalqaro universitetining xotin-qizlar kengashi raisi M.Abbasova, yoshlar bilan mahallabay ishlash va tadbirlar bo‘limi mutaxassisi D.Vastayeva hamda guruh tyutori S.Abbasova bilan birgalikda universitet hududidagi ijarachi xonadon egalari bilan muloqot qilib, uylarda talaba qizlar uchun yaratilgan shart-sharoitlar bilan yaqindan tanishishdi.

Ijarada yashovchi talabalarning yashash xonadonlari bilan tanishish ishlari davom etmoqda.

Joriy yilninig 7-sentabr kuni “Ipak yo‘li” turizm va madaniy meros xalqaro universiteti xotin-qizlar maslahat kengashining “Ta‘lim tizimida хotin-qizlar faolligini oshirish bugungi kunning talabi” mavzusida birinchi yig'lishi bo'lib o'tdi.         Yig‘ilishda universitet xotin-qizlar maslahat kengashi raisi M.Abbasova, rektor maslahatchisi M.Roziqov, unversitet yuristi F.Boboyev, Yoshlar bilan mahallabay ishlash va tadbirlar bo‘limi boshlig‘i N.Abduvohidova, “Turizm menejmenti” fakulteti dekani R.Toshniyozova, ARM xodimasi A.Izbasarova va boshqalar tomonidan ma‘ruzalar qilindi. Notiqlar tomonidan universitetning odob-axloq qoidalari va kiyinish madaniyati, korrupsiyaga qarshi ko'rashish,  xotin-qizlar va bolalar huquqlari, erkinliklari hamda qonuniy manfaatlarini ishonchli himoya qilish kabi qator masalalar yuzasidan fikr-mulohazalar bildirildi.

Shuningdek yig‘ilishda universitet xotin-qizlar maslahat kengashining ushbu  o‘quv yilidagi tarkibiy tuzilmasi, yillik ish rejasi, "Qizlarjon", "Lider qizlar” kabi klublarining nizomi tahlil qilinib, yutuqlar muammo va kamchiliklar xususida aniq taklif  va tavsiyalar berildi. 

Yig‘ilishda yangi o'quv yilida xotin-qizlardan iborat professor-o‘qituvchilar, tyutorlar va xodimlar tomonidan amalga oshiriladigan ishlar, tegishli hujjatlarni rasmiylashtirish kabi masalalarga ham to‘xtalib o‘tildi.