Yuksak e'tirof (12)
Yaponiya imperatori O‘zbekiston hukumati a’zosini oliy darajadagi ordeni bilan mukofotladi
Автор Administrator2022-yilning 9-noyabr kuni Tokiodagi Imperator saroyida O‘zbekiston Respublikasi Bosh vaziri o‘rinbosari – Turizm va madaniy meros vaziri Aziz Abduhakimovga “Chiqayotgan Quyosh Katta Kordon Ordeni"ni topshirish marosimi bo‘lib o‘tdi. An’anaga ko‘ra, ordenni Yaponiya imperatori Naruxito Bosh vazir Fumio Kishido ishtirokida topshirdi.
Aziz Abduhakimovning “Chiqayotgan Quyosh Katta Kordon Ordeni" bilan taqdirlanishi Yaponiya va O‘zbekiston o‘rtasidagi do‘stona munosabatlarni mustahkamlashga qo‘shgan ko‘p yillik hissasi e’tirof etilganini tasdiqlaydi.
Bu orden 1875-yildan beri berib kelinayotgan bo’lib, Yaponiyadagi eng qadimgi va "Chiqayotgan Quyosh Ordeni"ning eng yuqori darajasi (6-daraja) hisoblanadi.
Ma'lumki, Samarqand Turkologiya maktabi vakillari tomonidan fan hamda tadqiqotlarga qo'shilayotgan hissa dunyo turkologiya markazlari tarafidan e'tirof etilmoqda. Yaqinda qardosh Turkiya Respublikasining Istanbul universiteti huzuridagi mashhur Turkologiya instituti tomonidan taniqli turkolog-olim, universitetimizning Birinchi prorektori prof.Jo'liboy Eltazarovga bu ilmiy markazda 1925 yildan beri nashr etilib kelinayotgan ''Türkiyat Mecmuası''dan (''Turkologiya Jurnali'') ushbu obro'li ilmiy nashrning faoliyatiga tahrir hay'ati a'zosi sifatida hamkorlik qilish xususida taklif keldi.
Turkologiya, o'zbek tilshunosligi, Turk Dunyosi tadqiqotlari sohalariga doir 20 ta kitob, darslik va monografiyalar va 200 dan ziyod maqolalarning muallifi, keyingi yillarda turk va jahon ilmiy nashrlarida turkologiyaning dolzarb muammolariga 20 dan oid maqolalari turli tillarda e'lon qilingan samarqandlik olim ana shu xizmatlari uchun ''Türkiyat Mecmuası''ning tahrir hay'ati a'zoligiga munosib ko'rildi.
''Ulug' Otaturkning tashabbusi bilan tashkil etilgan Istanbul Universiteti huzuridagi Turkologiya institutining ''Türkiyat Mecmuası'' jurnali tahrir hay'ati a'zosi bo'lish mamlakatimiz hamda Samarqand davlat universitetidagi turkologiya tadqiqotlariga berilgan yuksak baho sifatida qabul qilaman hamda bu tabarruk ilmiy nashrning faoliyatida faol ishtirok etish uchun butun kuch-g'ayratlarimni sarflayman', deb yozadi olim o'zining javob maktubida.
Eslatib o'tamiz, prof. Jo'liboy Eltazarov 2020-yildan beri Türk Dil Kurumu(''Turkiya Til akademiyasi'') muxbir a'zosidir va olim 2023-yilda TurkSOY tarafıdan xalqaro Chingiz Aytmatov medali bilan taqdirlangan edi.
Universitetimiz prorektori Tony Zou "Tabiat himoyachisi" ko'krak nishoni bilan taqdirlandi
Автор press
Yana bir xushxabar universitetimizning ilmiy ishlar va innovatsiyalar bo'yicha prorektori, prof. Tony Zou Samarqandda bo‘lib o‘tgan COP14 xalqaro konferensiyasi doirasida "Tabiat himoyachisi" ko'krak nishoni bilan taqdirlandi. Mukofotni O‘zbekiston Ekologiya, atrof-muhitni muhofaza qilish va iqlim o‘zgarishi vaziri, rektorimiz Aziz Abduxakimov topshirdi.
Universitetimiz jamoasi prof. Tony Zouni ushbu mukofot bilan chin dildan qutlab, muvaffaqiyatlar bardavom bo‘lishini tilab qoladi.
Universitetimizda Ilmiy unvonga ega xodimlar soni ortib bormoqda
Автор press
Har bir oliy ta’lim muasassasining ilmiy darajasini jamoada faoliyat ko‘rsatib kelayotgan o‘qituvchilarning fanda erishgan yutuqlari, nufuzli jurnallarda chiqqan maqolalari, ilmdagi unvonlari belgilab beradi. Shu nuqtai nazardan olib qaraydigan bo‘lsak, universitetimiz pedаgogik jamoasining ilmiy salohiyati kun sayin oshib bormoqda. Navbatdagi xushxabar O‘zbekiston Respublikasi Oliy attestatsiya komissiyasi tomonidan “Ipak yo‘li” turizm va madaniy meros xalqaro universiteti kengashining tavsiyasiga ko‘ra, Ilmiy tadqiqotlar bo‘limi boshlig‘i Mansurova Nargiza Shamsidinovnaning “Demografiya. Mehnat iqtisodiyoti” ixtisosligi bo‘yicha dotsent ilmiy unvoni tasdiqlandi.
Universitetimiz jamoasi ham Nargiza Shamsidinovnaga ilmiy soha taraqqiyoti yo‘lida yuksak muvaffaqiyatlari muborak bo‘lsin va yutuqlari bardavom bo‘lishini tilaymiz.
Universitetimiz ilmiy salohiyati yanada mustahkamlanmoqda
Автор press
“Ipak yo‘li” turizm va madaniy meros xalqaro universiteti huzuridagi DSc.33/01.02.2022.I.145.01 raqamli Ilmiy Kengashda 2023-yil 25-noyabr kunida 08.00.17 – Turizm va mehmonxona faoliyati (iqtisodiyot fanlari) ixtisosligidan “Hududlarda ishbilarmonlik turizmini rivojlantirishning tashkiliy-iqtisodiy mexanizmlarini takomillashtirish (Samarqand viloyati misolida)” mavzusida iqtisodiyot fanlari bo’yicha falsafa doktori (PhD) dissertatsiyasini himoya qilgan universitetimizning Axborot-resurs Markazi xodimi Siroj Samiyevga yaqinda O’zbekiston Respublikasi Oliy Attestatsiya Komissiyasi Rayosatining qarori bilan tegishli ilmiy daraja berildi.
Universitetimizning Birinchi Prorektori prof. J.D.Eltazarov 18-yanvar kuni bizning OTM xodimlari orasidan DSc.33/01.02.2022.I.145.01 raqamli Ilmiy Kengashda birinchi bo‘lib dissertatsiya himoya qilgan Siroj Samiyevni rahbariyat nomidan bu muvaffaqiyat bilan qutladi hamda unga iqtisodiyot fanlari bo‘yicha falsafa doktori (PhD) diplomini topshirdi.
Universitetimiz talabasi “Yil talabasi-2023” respublika ko‘rik-tanlovi g‘olibi bo‘ldi
Автор press
Yangi yil bayrami arafasida yana bir xush xabar universitetimiz 3-bosqich talabasi Zuhra Baxromqulova “Yil talabasi-2023” respublika ko‘rik-tanlovining universitet bosqichida “Yilning eng faol bilimdon talabasi” nominatsiyasi bo‘yicha 2-o‘rinni egalladi.
Talabamizni erishgan muvaffaqiyati bilan tabriklaymiz!
Universitetimiz talabasi “Yil talabasi-2023” respublika ko‘rik-tanlovi g‘olibi bo‘ldi
Автор press
Yangi yil bayrami arafasida yana bir xush xabar universitetimiz talabasi Shahrizoda Oromjonova “Yil talabasi-2023” respublika ko‘rik-tanlovining universitet bosqichida “Yilning eng faol bilimdon talabasi” nominatsiyasi bo‘yicha 1-o‘rinni egalladi.
Talabamizni erishgan muvaffaqiyati bilan tabriklaymiz!
Universitetimiz talabasi “Yil talabasi-2023” respublika ko‘rik-tanlovi g‘olibi bo‘ldi
Автор press
Yangi yil bayrami arafasida yana bir xush xabar universitetimiz 3-bosqich talabasi Fotima Baxromqulova “Yil talabasi-2023” respublika ko‘rik-tanlovining universitet bosqichida “Yilning eng faol tadbirkor talabasi” nominatsiyasi bo‘yicha 1-o‘rinni egalladi.
Talabamizni erishgan muvaffaqiyati bilan tabriklaymiz!
Universitetimizning talabasi Islom Karimov nomidagi davlat stependiyasiga sazovor bo‘ldi!
Автор press
O‘zbekiston Respublikasi Oliy ta’lim, fan va innovatsiyalar vazirligining 2023-yil 4-dekabrdagi “2023-2024 o‘quv yili uchun Respublika oliy ta’lim muassasalari bakalavriat bosqichi talabalariga O‘zbekiston Respublikasi Prezidenti va nomli davlat stipendiyalarini tayinlash to‘g‘risida”gi 516-son buyrug‘iga muvofiq , “Ipak yo‘li” turizm va madaniy meros xalqaro universitetining “Turizm (faoliyat yo‘nalishlari bo‘yicha)” ta’lim yo‘nalishi 3-bosqich talabasi Mustafaqulova Sabina Islom Karimov nomidagi davlat stipendiyasiga sazovor bo‘ldi.
Talabamizni ushbu yutuq bilan muborakbod etamiz!
Turkolog-olimga Chingiz Aytmatov medаli topshirildi
Автор Administrator
“Ipak yo‘li” turizm va madaniy meros xalqaro universitetining birinchi рrorektori, taniqli turkolog-olim, filologiya fanlari doktori, profеssor Jo‘liboy Eltazarov shu kunlarda Turkiya Respublikasining Anqara shahrida bo‘lib turibdi. 6-iyun kuni olimga Turkiy Davlatlar Tashkiloti huzuridagi Xalqaro Turkiy Madaniyat Tashkiloti -TurkSOY tomonidan ta’sis etilgan Chingiz Aytmatov medali topshirildi. Professor Jo‘liboy Eltazarov dunyo va turkiy adabiyotning buyuk namoyandasi Chingiz Aytmatov nomi bilan ataluvchi ushbu medal bilan turkiy til, madaniyat va san’atni uzoq yillar davomida chet ellarda targ‘ib qilishdagi hamda turkiy xalqlar o‘rtasida qardoshlik va hamkorlik aloqalarini mustahkamlashdagi xizmatlari uchun taqdirlandi.
TurkSOYning Anqaradagi markaziy ofisidagi yig‘inda tashkilot Boshqaruvi raisi o‘rinbosari professor Bilal Chakiji gulduros qarsaklar ostida ushbu medalni professor J.Eltazarovning ko‘ksiga taqib qo‘ydi. Olim o‘zining mukofotga javoban so‘zlagan qisqa nutqida TurkSOY Boshqaruviga kamtarona mehnatlarini yuqori baholangani uchun tashakkur aytdi va bundan buyon ham turkiy til madaniyatlarni o‘rganish va targ‘ib qilishga bor kuchini sarflashini ta’kidladi. Universitet jamoasi, professor, o‘qituvchilari ham ustozimizning ushbu ulkan yutug‘i bilan muborakbod etadi.
“Ipak yo‘li” turizm va madaniy meros
xalqaro universiteti matbuot xizmati
Batafsil ...
O‘zbekiston Respublikasi Prezidentining 2022-yil 8-noyabrdagi Farmoniga binoan “Oʻzbekiston Konstitutsiyasining 30 yilligi” esdalik nishoni taʼsis etilgan edi.
“Ipak yo‘li” turizm va madaniy meros xalqaro universiteti Birinchi prorektori filologiya fanlari doktori, professor Eltazarov Jo‘liboy Danabayevich mamlakatimiz ilm-fan salohiyatini yuksaltirish, sogʻlom va barkamol avlodni voyaga yetkazish, yoshlarimizni vatanparvarlik va istiqlol gʻoyalariga sadoqat ruhida tarbiyalash ishlariga munosib hissasi uchun “O‘ZBEKISTON KONSTITUTSIYASINING 30 YILLIGI” esdalik nishoni bilan taqdirlandi.
Esdalik nishoni O‘zbekiston Respublikasi turizm va madaniy meros vazirining investitsiyalar, turizm klasterlari va litsenziyalash masalalari bo‘yicha o‘rinbosari Nusratilla Zikrillayev tomonidan topshirildi.
"Ipak yo'li" turizm va madaniy meros xalqaro universiteti o'qituvchisi Akramova Taxmina Kamiljonovna O’zbekiston Respublikasi Turizm va madaniy meros vazirligining “Turizm fidoyisi” ko’krak nishoni bilan taqdirlandi
Автор Administrator
"Ipak yo'li" turizm va madaniy meros xalqaro universiteti o'qituvchisi Akramova Taxmina Kamiljonovna O’zbekiston Respublikasi Turizm va madaniy meros vazirligining “Turizm fidoyisi” ko’krak nishoni bilan taqdirlandi.
Universitet ma’muriyati hamda barcha o’qituvchi va talabalar nomidan tabriklab, keyingi ishlariga omad tilaymiz!
Saytdagi yangiliklar
-
Ikki nafar talabamiz Yaponiyaning Wakayama Universitetida o‘qishadi
Juma, 26 Aprel 2024 22:13
-
Turizm kafedrasi professor-o‘qituvchilari Sharja Amirligining arxeologik topilmalari ko‘rgazmasi bilan yaqindan tanishdi
Juma, 26 Aprel 2024 11:45
Aloqalar
140104, O’zbekiston Respublikasi, Samarqand shahri, Universitet xiyoboni, 17
-
dummy+99866 240-67-68
-
dummy info@univ-silkroad.uz