Texnikuming  oʻquv faoliyati koʻp asrlik tarixga ega: 1920-yildan  Fabrika-zavod bilim yurti,  1979 yildan Toshkent sanoat bilim yurti, 1987 yildan 34-sonli hunar-texnika bilim yurti, 1997 yildan  5-sonli Biznes maktabi, 2004 yildan Hamza maishiy xizmat koʻrsatish kasb-hunar kolleji, 2010-yildan Toshkent mehmonxona xoʻjaligi kasb-hunar kolleji sifatida faoliyat yuritgan.  

Toshkent turizm va mexmonxona menejmenti texnikumi O‘zbekiston Respublikasi Prezidentining PF-5812 sonli farmoni asosida 2020 yil 3- sentyabrda “Ipak yo‘li” turizm va madaniy meros xalqaro universiteti xuzurida tashkil etilgan.

O‘zbekiston Respublikasi Prezidentining 2025 yil 23 oktyabrdagi  PF-190-son “Kasbiy taʼlim tizimida boshqaruv samaradorligini oshirish chora-tadbirlari toʻgʻrisida”gi  farmoniga asosan  kasbiy ta’lim sohasida institutsional yaxlitlikni ta’minlash va boshqaruv tizimi samaradorligini oshirish, xalqaro ta’lim dasturlarini joriy etish hamda ichki va tashqi mehnat bozori talablariga mos raqobatbardosh o‘rta bo‘g‘in kadrlari tayyorlash tizimini isloh qilish maqsadida barcha texnikumlar qatori Toshkent turizm va mexmonxona menejmenti texnikumi ham kasbiy ta’lim agentligi tizimiga o‘tkazish orqali  qayta tashkil etildi.

Toshkent turizm va mexmonxona menejmenti texnikumi Toshkent shahridagi  yirik ta’lim muassasalaridan biri bo‘lib, Toshkent shahri va respublikamizning boshqa viloyatlaridan, shuningdek, qo‘shni davlatlar: Qirg‘iziston, Tojikiston va Qozog‘istondan kelgan xorijiy fuqarolarni ham  qabul qilish imkoniyatiga ega.

Texnikum o‘zbek va rus tillarida kunduzgi va dual ta’lim shaklida  davlat granti hamda to’lov kontrakt  asosida xalqaro tasniflagichning 3, 4 va 5- darajalariga mos keluvchi, xizmat ko’rsatish sohasi bo’yicha o’rta bo’gin professional kadrlarni mehnat bozoriga yetkazib beruvchi ta’lim muassasasi xisoblanadi.

Texnikumda mashg‘ulotlarni eng yaxshi yuqori malakali o‘qituvchilar va ishlab chiqarish ta’lim ustalari, turizm va xizmat ko‘rsatish korxonalarining tajribali ishchilari olib bormoqda. O'quv jarayonida eng yangi pedagogik va interaktiv texnologiyalar (treninglar, ishbilarmon o'yinlar, davra suhbatlari, vaziyatni modellashtirish, mahorat darslari va boshqalar) faol qo'llaniladi.

Toshkent turizm va mehmonxona menejmenti texnikumida  9- va 11-sinf bitiruvchilariga xalqaro tasniflagichning 3-4-5-darajasi bo‘lgan  “Turizm”, “Mehmonxona xo‘jaligini tashkil etish va boshqarish”,  “Umumiy ovqatlanish xizmatlarini tashkil etish”, “Sartarosh - modelyer” “Buxgalteriya”,    kasblari bo‘yicha kunduzgi va dual ta’lim tizimi asosida  mutaxassislar tayyorlanadi

2026-027 o‘quv yili uchun quyidagi yo‘nalishlarga qabul rejalashtirilgan:

Toshkent turizm va mehmonxona menejmenti texnikumi — xizmat ko‘rsatish sohasi uchun malakali va raqobatbardosh mutaxassislar tayyorlaydigan zamonaviy ta’lim muassasasi bo‘lib, uning faoliyati ko‘p yillik tarix va boy tajribaga ega. Muassasa 1920-yildan Fabrika-zavod bilim yurti sifatida faoliyat boshlagan bo‘lib, keyinchalik Toshkent sanoat bilim yurti, 34-sonli hunar-texnika bilim yurti, 5-sonli Biznes maktabi, Hamza maishiy xizmat ko‘rsatish kasb-hunar kolleji hamda Toshkent mehmonxona xo‘jaligi kasb-hunar kolleji sifatida faoliyat yuritgan.

2020-yil 3-sentyabrda O‘zbekiston Respublikasi Prezidentining PF-5812-son Farmoni asosida “Ipak yo‘li” turizm va madaniy meros xalqaro universiteti huzurida Toshkent turizm va mehmonxona menejmenti texnikumi tashkil etildi. 2025-yildagi PF-190-son Farmonga muvofiq texnikum Kasbiy ta’lim agentligi tizimiga o‘tkazilib, xalqaro ta’lim dasturlarini joriy etish hamda mehnat bozori talablariga mos o‘rta bo‘g‘in kadrlar tayyorlash yo‘nalishida faoliyati yanada takomillashtirildi.

Bugungi kunda texnikumda 721 nafar o‘quvchi tahsil olmoqda. Muassasada 9- va 11-sinf bitiruvchilari uchun “Turizm”, “Mehmonxona xo‘jaligini tashkil etish va boshqarish”, “Umumiy ovqatlanish xizmatlarini tashkil etish”, “Sartarosh-modelyer” va “Buxgalteriya” yo‘nalishlarida kunduzgi hamda dual ta’lim tizimi asosida, o‘zbek va rus tillarida ta’lim beriladi.

Texnikumda dual ta’lim tizimi keng yo‘lga qo‘yilgan bo‘lib, 30 dan ortiq yirik ish beruvchi korxonalar bilan hamkorlik o‘rnatilgan. O‘quvchilar amaliy mashg‘ulot va ishlab chiqarish amaliyotlarini mehmonxona, restoran va turistik tashkilotlarda o‘taydi. InterContinental Tashkent, Radisson Blu, Crowne Plaza, Mercure Tashkent, Bellissimo Pizza International, AB Group restoranlar xoldingi kabi yetakchi korxonalar bilan samarali hamkorlik yo‘lga qo‘yilgan.

Shuningdek, texnikum Shveytsariya, Germaniya va Turkiya bilan xalqaro loyihalarda faol ishtirok etib, o‘quvchilarga xorijda amaliyot o‘tash va xalqaro dasturlarda qatnashish imkoniyatini yaratmoqda. Zamonaviy jihozlangan amaliyot xonalari, 10 mingdan ortiq adabiyot fondiga ega kutubxona, kuchli amaliyot bazasi va xalqaro hamkorlik texnikumning asosiy ustunliklaridan hisoblanadi.

2026-027 o‘quv yili uchun quyidagi yo‘nalishlarga qabul rejalashtirilgan:

31010311-Mehmonxona menejeri

31010312-Turizm servisi xodimi

31010309-Oshpaz

31010310-Restoran va ovqatlanish xizmatlari servisi

301010202-Sartarosh (modelyer)

31010803-Zargarlik

31010109-Sotuvchi-kassir

41010311-Umumiy ovqatlanish xizmatlarirni tashkil etish

51010308-Mehmonxona menejeri

51010309-Turizm

50410101-Buxgalteriya hisobi va audit

41010311-Umumiy ovqatlanish xizmatlarirni tashkil etish (dual ta'lim)

51010308-Mehmonxona menejeri (dual ta'lim)

41010801-Qimmatbaho va yarimqimmatbaho toshlarga ishlov berish va ularni sayqallash (dual ta'lim)

Texnikum o‘quvchillari  ishlab chiqarish va diplom oldi amaliyotlarini  Toshkent shahrida joylashgan eng nufuzli, yetakchi  mehmonxonalarda, turistik tashkilotlarda va umumiy ovqatlanish korxonalarida o‘tash imkoniyatlariga ega bo‘ladilar. Bundan tashqari Germaniya, Turkiya, Bolgariya davlatlarida ham halqaro doirada  mehmonxonalarda amaliyotlar o‘tashlari va xalqaro sertifikatlarga ega bo‘lishkari mumkin.

Texnikum 540 o‘ringa mo‘ljallangan bo‘lib  sifatli ta’lim olish uchun  barcha sharoitlar yaratilgan:

Zamonaviy jihozlar bilan jihozlangan 5 ta yuqori sifatli o‘quv amaliyot xonalari, ma’ruza va auditoriyalar, 10 ming nusxadan ortiq o‘quv-uslubiy adabiyotlarni o‘z ichiga olgan katta kutubxona fondi ham mavjud bo‘lib, o‘quvchilar o‘qishdan tashqari vaqtlarida foydalanishlari mumkin .

O‘qish davrida talabalar qo‘shimcha dasturlar bo‘yicha sertifikatlar bilan ta’lim olishlari mumkin, bu esa ularning mehnat bozorida raqobatbardoshligini oshiradi.

Talabalar bo'sh vaqtlarida sport zalda sport bilan shug'ullanish yoki stadionda futbol yoki basketbol, voleybol o'ynash uchun ajoyib imkoniyatga ega bo‘ladilar.

Tenikuming  xalqaro hamkorlari Shaveytsariya, Rossiya Federatsiyasi, Germaniya, Koreya,  Turkiya, Qozog’iston, Xindiston va Bolgariyaning yetakchi ta’lim muassasalari hisoblanadi.

2020-yildan boshlab texnikum o‘quvchilari “WorldSkills Uzbekistan”  yosh mutaxassislar xalqaro tanlovida faol ishtirok etib kelmoqda.