Yangiliklar: Oktyabr 2023

Joriy yilning 20-oktabr kuni “Besh tashabbus olimpiadasi” musobaqalari doirasida sportning futbol boʻyicha musobaqalar tashkil o‘tkazildi. Yoshlar oʻrtasida sogʻlom turmush tarzini targʻib qilish va ularni sportga yanada qiziqtirish maqsadida Samarqand viloyatidagi oliy taʼlim muassasalari talabalari oʻrtasidagi bellashuvlarda “Ipak yo‘li” turizm va madaniy meros xalqaro universitetining talabalari ham faol ishtirok etib, ijobiy natijalarni qayd etishdi.

Hurmatli o‘qituvchilar va tadqiqotchilar!

Sizlarni 2023-yil 27-oktabrda bo‘lib o‘tadigan “Ipak yo‘li” turizm va madaniy meros xalqaro universiteti “Turizm menejmenti” fakulteti “Tillar” kafedrasining 2-son kengaytirilgan yig‘ilishiga taklif etamiz.

Ushbu yig‘ilishda “Tillar” kafedrasi 10.00.06 - Qiyosiy adabiyotshunoslik, chog‘ishtirma tilshunoslik va tarjimashunoslik ixtisosligi bo‘yicha mustaqil izlanuvchi Xalimova Nilufar Abduxafizovna tomonidan “XX asr o‘zbek hikoya va qissalarinig inglizcha tarjimalarida badiiy mahorat masalalari” mavzusida filologiya fanlari doktori (PhD) ilmiy darajasini olish uchun tayyorlanayotgan dissertatsiyaning dastlabki natijalari muhokamasi bo‘lib o‘tadi.

Sana: 27.10.2023

Vaqt: 14:00

Joy: 207-xona

Turmush – to‘rt mushmi? Aslo!

Ongimizga singib qolgan ushbu iboradan birgalikda qutulishga harakat qilamiz.

Buning uchun universitetimizning aziz talaba qizlarini 26-oktabr kuni soat 14:00 da 237-xonada bo‘lib o‘tadigan ajoyib motivatsion treningga taklif etamiz.

Joriy yilning 25-oktabr kuni O‘zbekiston Respublikasi Prezidenti Sh.M.Mirziyoev raisligida 2021-yil 2 noyabrda o‘tkazilgan videoselektor yig‘ilishida belgilangan ustuvor vazifalar ijrosini ta’minlash va Samarqand viloyati hokimining 2023-yil 16-sentabrdagi viloyat hududida 2023-yil kuz mavsumida manzarali, mevali daraxt va buta ko‘chatlarini tashkilotlar kesimida ekish bo‘yicha bergan  topshirig‘idan kelib chiqib “Yashil makon” umummilliy loyihasi doirasida “Ipak yo‘li” turizm va madaniy meros xalqaro universiteti ishchi, xizmatchilari ham kuzgi ko‘chat ekish ishlarini olib borishmoqda. “Ko‘chat ekib bog‘ yarat” shiori ositida o‘tkazilayotgan tadbirda ko‘kalamzorlashtirish ishlari bilan birga, manzarali ko‘chatlar ekilmoqda.

Ahamiyatlisi, oliygoh hududiga jami 174 ta kashtan, lipa, chinor, qarag‘ay, archa va ginka biloba kabi daraxt ko‘chatlari ekildi.

Joriy yilning 23-oktabr kuni “Ipak yo‘li” turizm va madaniy meros xalqaro universiteti xotin-qizlar maslahat kengashi raisi M.Abbasova tomonidan kengash qoshidagi “Qizlarjon” klubining taqdimot yig‘ilishi bo‘lib o‘tdi. Unda universitetimizning iqtidorli talaba-qizlari tomonidan yoshlarimizning egallagan bilimlarini mustahkamlash, bo‘sh vaqtlarini mazmunli tashkil etish va shu bilan birga, ularning ijtimoiy, siyosiy va huquqiy bilimlarini yanada mustahkamlash, intellektual salohiyatlarini oshirish maqsadida “Vaqt qadri” mavzusidagi video roliklar taqdimotini o‘tkazdi.

Rolik

Taqdimot tadbiridagi “Qizlarjon” klubining faol a‘zosi Marketing-220 guruh talabasi Sadoqat Saidovaning “Vaqtim-yo‘q deguvchilar, vaqtning qulidir” mavzusidagi video roligi.

Joriy yilning 24-oktabr kuni Qozog‘iston respublikasi Ostona oliy savdo-iqtisodiyot kolleji direktori Mirzabek Kujimov universitetimizga tashrif buyurdi. Mehmon bilan oliygohimiz Birinchi prorektori, prof. J.Eltazarov muloqot o‘tkazdi. O‘zaro muloqot jarayonida bugungi kunda turizm sohasida va professional ta’lim tizimida olib borilayotgan keng ko‘lamdagi ishlar, hamkorlik natijalari xususida so‘z bordi. 

Ma’lumot o‘rnida shuni aytish kerakki, 23-27 oktabr kunlari Qozog‘iston respublikasi Ostona oliy savdo-iqtisodiyot kollejidan kelgan bir guruh o‘qituvchilar Samarqand turizm va madaniy meros texnikum va uning hamkor korxona va tashkilotlarida tajriba almashishmoqda.

“Ipak yo‘li” turizm va madaniy meros xalqaro universitetida 08.00.17-“Turizm va mehmonxona faoliyati” ixtisosligi bo‘yicha malakaviy imtihonlarni topshiruvchi talabgorlar uchun hujjatlari qabuli davom etmoqda. Talabgorlar quyidagi hujjatlarni universitet Ilmiy tadqiqotlar bo‘limiga taqdim etishlari va Этот адрес электронной почты защищён от спам-ботов. У вас должен быть включен JavaScript для просмотра.  elektron pochta manziliga yuborishlari zarurligini qayd etib o'tamiz.

• Yo‘llanma xat
• Passport nusxasi (2 dona)
• Qisqacha biografik ma’lumotnoma
• Ariza
• Doktorlik dissertatsiyasi e’lon qilingan “OAK Byulleteni” jurnali nusxasi (sanasi, jurnal soni)
• Malakaviy imtihon topshiruvchi haqida malumot ( namunaviy jadval ilova qilinadi).

Hujjatlar joriy yilning 31-oktabriga qadar qabul qilinadi.

08.00.17-“Turizm va mehmonxona faoliyati” ixtisosligi bo‘yicha mutaxassislik fanidan malakaviy imtihon O‘zbekiston Respublikasi Oliy ta’lim, fan va innovatsiyalar vazirligi huzuridagi Oliy attestatsiya komissiyasi Rayosatining 2016-yil 17-fevraldagi 220/2-son Qarori bilan tasdiqlangan “Malakaviy imtihonlarni o‘tkazish tartibi to‘g‘risida”gi Nizomga asosan hamda 08.0017-“Turizm va mehmonxona faoliyati” ixtisosligi bo‘yicha malakaviy imtihon dasturiga muvofiq o‘tkaziladi (dastur ilova qilinadi).

Malakaviy imtihonlarni o‘tkazilish sanasi va vaqti haqida qo‘shimcha e’lon beriladi.

Jadval-1

Dastur.pdf

Samarqand viloyatida bo‘lib o‘tgan “Kreativ ta’lim va innovatsiya – Yangi O‘zbekiston taraqqiyotining asosi” shiori ostidagi “InnoWeek-2023” innovatsion g‘oyalar haftaligida “Ipak yo‘li” turizm va madaniy meros xalqaro universiteti professor-o‘qituvchilari hamda talabalari faol ishtiroki hamda Yangi O‘zbekiston taraqqiyotining kreativ ta’lim va innovatsiyalar asosiga qo‘shgan hissasi uchun Oliy ta’lim, fan va innovatsiyalar Samarqand viloyat boshqarmasi tomonidan sertifikat bilan taqdirlandi.

Gazetaning 2023-yil 21-oktabrdagi 125 (23.846)-sonida “Ipak yo‘li” turizm va madaniy meros xalqaro universiteti qoshida Samarqand Turizm Akademiyasi tashkil etilganligi haqidagi hamda oliygohimiz xotin-qizlar kengashi raisi M.Abbasovaning “Xorijlik talabalar o‘zbek tilini bilish borasida bellashdi” nomli maqolasi chop etildi. Ushbu maqolalarda turizm sohasidagi amaliy islohatlar natijasida Turizm Akademiyasining tashkil qilinganligi va 2020­yil 20­oktabrdagi Prezidentimizning “Mamlakatimizda o‘zbek tilini yanada rivojlantirish va til siyosatini takomillashtirish chora­tadbirlari to‘g‘risida”gi farmoni e’lon qilinganligi va uning ijrosi haqida so‘z boradi.

Joriy yilning 23-24 oktabr kunlari universitetimiz bo‘lim boshlig‘i Kadirova Irina Indenoziyaning Jakarta shahridagi Milliy universitetda bo‘lib o‘tgan  “Osiyo davlatlarida turizmining kelajagi: istiqbol va imkoniyatlar” mavzusidagi xalqaro konferensiyada ishtirok etdi va ma’ruza qildi.

Universitetimiz bo‘lim boshlig‘i o‘z ma’ruzasida bugungi kunda O‘zbekistonda turizm sohasi kun sayin ravnaq topayotganligi va bu yo‘nalishda ta’limda olib borilayotgan keng ko‘lamdagi amaliy ishlarga to‘xtalib o‘tdi.