Kafedra mudiri: Sidikova Mastura Xakberdiyevna
Telefon: +99899 597 19 83
E-mail: Этот адрес электронной почты защищён от спам-ботов. У вас должен быть включен JavaScript для просмотра.
Kafedra o'qituvchilari
“Tarix va madaniy meros” kafedrasi
Oʻzbekistonda turizmning asosini tashkil etuvchi tarixiy madaniy merosimizni oʻrganish va ushbu sohaga oid ilmiy tadqiqotlar olib borish muhim ahamiyat kasb etmoqda. Universitetning asosiy missiyasidan kelib chiqqan holda, Oʻzbekiston tarixining boy madaniy muhitini chuqur oʻrganish va ularni turizm uchun xizmat qiladigan mahsulotga aylantirish kafedraning asosiy maqsadlaridan hisoblanadi. Kafedra Oʻzbekiston Respublikasi Prezidentining 2021-yil 30-oktabrdagi “Turizm, madaniy meros va muzeyshunoslik sohalarida malakali kadrlar tayyorlashning uzluksiz tizimini yanada takomillashtirish chora-tadbirlari to‘g‘risida”gi qaroriga asosan tashkil etilgan. Shuningdek, qarorda O‘zbekiston Respublikasida turizm, madaniy meros va muzeyshunoslik sohalarida xalqaro standartlarga mos uzluksiz ta’lim tizimini yanada takomillashtirish, mehnat bozorining zamonaviy talablariga muvofiq yuqori malakali raqobatbardosh kadrlarni tayyorlash jarayonini yo‘lga qo‘yish, fan, ta’lim va ishlab chiqarishning integratsiyasini ta’minlashga alohida e’tibor qaratilgan. Kafedrada ta’lim va ishlab chiqarishning integratsiyasini ta’minlash maqsadida, dars jarayonlari amaliyot bilan uygʻunlashtirilgan holatda olib boriladi. Amaliyotlar asosan tarixiy obidalar, muzeylar, san’at galleriyalari, hunarmandchilik uylari, arxeologik obyektlar va ilmiy-tadqiqot institutlarida olib borilmoqda.
Arxeologiya, muzeyshunoslik, madaniy meros sohalarini rivojlantirish maqsadida jahonning bir qator yetakchi oliy ta’lim mussasalari, xususan, Bolonya universiteti, Sarbonno universiteti, Tehron universiteti, Skuba universiteti, Pekin xalqaro ta’lim universiteti hamda Samarqand Arxeologiya instituti bilan hamkorlikda tadqiqotlar olib borilmoqda. Kafedrada nufuzli xorijiy universitetlarning professor-oʻqituvchilari va xorijning yetakchi universitetlarida ta’lim olgan malakali oʻqituvchilar tomonidan dars mashgʻulotlari olib boriladi.
Bugungi kunda kafedraning maqsadi va vazifasidan kelib chiqqan holda quyidagi bakalavriat va magistratura bosqichida mutaxassislar tayyorlanmoqda:
Bakalavriat
- Muzeyshunoslik
- Arxealogiya
- Madaniy meros obyektlarini asrash
Magistratura
- Menejment (Madaniy, tabiiy va aralash meros obyektlarini boshqarish)
- Arxeologiya
- Muzeyshunoslik, tarixiy – madaniy obyektlarni konservatsiya qilish, ta’mirlash va saqlash
Kafedra professor-o‘qituvchilari universitetning barcha yoʻnalishlarida ta’lim berishib, turizmda madaniy meros fanidan ma’ruzalar o‘qib, seminar mashg‘ulotlarini shahrimizning tarixiy obidalari va muzeylarda o‘tkazib kelishmoqda. Kafedraning professor-o‘qituvchilari viloyatlar, Samarqand shahri oliy va o‘rta maxsus o‘quv yurtlari, umumiy o‘rta maktab jamoalariga turizmda madaniy meros va boshqa shu sohaga oid fanlardan uslubiy yordam berib kelmoqdalar.
Kafedraning vazifasi – turizm va madaniy meros sohasida professional kadrlarni tayyorlash, ularning jahon tarixi, arxeologik qazilmalar va ushbu jarayondan topilayotgan boy moddiy, madaniy hamda ma’naviy merosning o‘tmish hamda bugungi kun uchun ahamiyatini tadqiq etuvchi kadrlar tayyorlash, XXI asrning dinamik va global ishbilarmonlik muhitida mutaxassislar tayyorlash va amalga oshirishni muvaffaqiyatli bajarish.
Asosiy maqsadlar
O‘quv ishlari bo‘yicha:
Kafedra faoliyatini diversifikatsiya qilish, ta’lim va ijtimoiy xizmatlar bozorida talabni oshirgan yangi o’qitish turlarini rivojlantirish.
Zamonaviy o‘quv texnologiyalarini ishlab chiqish va joriy etish, o‘qitishning mazmuni va uslubini takomillashtirish. Talabalarning savollari va so‘rovnomalaridan foydalangan holda nazorat jarayonini ta’minlash, shuningdek, o‘quv jarayoniga test tizimini joriy etish. Kafedra saytini rivojlantirish, unga o‘quv materiallarini joylashtirish, masofaviy o‘qitish bilan auditoriyalarda dars o‘tishni navbatma-navbat o‘tkazish.
Ilmiy ishlar bo‘yicha:
- turizm va madaniy meros sohasida ta’lim nazariyasi va amaliyoti, arxeologiya, muzeyshunoslik va madaniy meros sohasida kafedra raqobatdoshligini oshirish. Ilmiy mavzular va konsepsiyalarni ishlab chiqish;
- turizm sohasidagi zamonaviy professional ta’lim boshqaruvi nazariyasi va metodologiyasini ishlab chiqish;
- turizm sohasidagi o‘qitishning innovasion usullari va texnologiyalarini qo‘llash;
- turizm va madaniy meros sohasida xorijiy tajribalardan foydalanish;
- turizm sohasida kadrlar tayyorlashga noan’anaviy yondashuv.
Kafedraning rivojlanish tamoyillari
- struktura, rejalar, strategiyaning ochiqligi;
- o‘quv va ilmiy faoliyatni amalga oshirish usullari, vositalari, jarayonlari va tartiblarining ishlab chiqarish qobiliyati;
- korporativlik - umumiy maqsad sari intilish, imijni mustahkamlash, bajarilgan ishdan mamnunlik va uning samaradorligini oshirishga hissa qo‘shadigan an’ana, ijtimoiy qadriyatlarni birlashtirish va rivojlantirish asosida kafedra maqsadlari va bosh g‘oyasi yo‘lida birlashadigan yagona jamoa ruhini yaratish;
- integratsiya (kafedra atrofida kommunikasion aloqalar tizimini yaratish, uning bitiruvchilarini kafedra manfaatlari yo‘liga jalb etish);
- anketalar, konferensiyalar orqali olingan bilimlarni baholash asosida aloqalarni amalga oshirish, bitiruvchilarni kafedraning ilmiy va o‘quv ishlariga jalb qilish;
- bo‘limning raqobatdosh ustunliklarini rivojlantirish (mavjud raqobatni rivojlantirish va yangi raqobatdosh ustunliklarni yaratish).
Kafedraning funksiyalari
- fan va amaliyot sohasidagi bilimlarni, shu jumladan, internet tarmog‘ida o‘quv va ilmiy adabiyotlarni tayyorlash va nashr etish orqali tarqatish;
- turizm va madaniy meros sohalarida kasbiy ta’lim bo‘yicha tadqiqotlar va ishlanmalar, ilmiy jurnallarda ilmiy tadqiqotlar natijalarini e’lon qilish, kafedra olimlarining xalqaro, milliy, mintaqaviy, sohalar bo‘yicha va boshqa ilmiy-amaliy konferensiyalarda, forumlarda ma’ruzalar va ma’lumotlar bilan chiqishlari;
- intellektual salohiyatni to‘ldirish va kafedra xodimlarini doimiy ravishda o‘qitish.
Hozirgi kunda kafedrada 21 nafar o‘qituvchi faoliyat ko‘rsatmoqda. Shulardan 3 nafari professor, 7 nafari dotsent PhD, 3 nafari katta o‘qituvchi, 5 nafari assistant-o‘qituvchi va 3 nafari o‘qituvchi-stajorlar. Bundan tashqari, professional ta’lim sohasidagi turizmda arxeologiya, muzeyshunoslik, madaniy meros bo‘yicha ma’ruzalar Eron, Xitoy, Yaponiya, Italiya, Fransiya, Isroil, Rossiya, AQSh va Angliyaning yetakchi o‘quv yurtlarining professor-o‘qituvchilari tomonidan olib boriladi.
Turizm va madaniy meros sohasida xizmat ko‘rsatish korxonalarining ishlab chiqarish bazasida kasbiy sikl, ishlab chiqarish amaliyoti va stajirovka bo‘yicha amaliy mashg‘ulotlar tashkil etilib, faol turizm va madaniy merosning amaliy loyihalari amalga oshirilmoqda. Ushbu texnologik maydonlar bitiruvchilarni ish bilan ta’minlashdagi asosiy hamkorlardir.
Professional ta’lim (turizm va madaniy meros) yo‘nalishlari bo‘yicha tahsil olayotgan talabalar Italiya, Xitoy, Yaponiya, Germaniya, Turkiya va Indoneziyaning turistik va mehmonxona profilidagi korxonalarda amaliyot o‘tashdi.
Professional ta’lim (turizm va madaniy meros) uchun kadrlar tayyorlash bo‘yicha ishda kafedra asosiy tushunchalarni amaliy ko‘nikmalar bilan birgalikda professional til asosida o‘rganishga asoslangan talabalarni innovatsion va loyihaviy tayyorlashga alohida e’tibor qaratadi.
Kadrlar tayyorlashning bu kabi yondashuvi zamonaviy iqtisodiyotning jahon standartlari talablariga javob beradigan barcha talablarini hisobga olgan holda universitet bitiruvchilarini kelajakdagi kasbiy faoliyatiga ijtimoiy-psixologik va pragmatik-funksional moslashuvini maksimal darajada oshirishga qaratilgan.
Kafedra tarkibida quyidagi yo‘nalishlar bo‘yicha talabalar ilmiy to‘garaklari mavjud:
- Ipak yo‘li xalqlari tarixi va madaniy merosi (rahbar: PhD. Mastura Sidikova, N.Xushvaqtov)
- Talabalar teatri (rahbar: dots. K.Mustayev, O.Boynazarov)
- Salsa raqsi to‘garagi (dots. K.Mustayev)
- UNESCO talabalar to‘garagi (rahbar: M.Sidikova, F.Sono)
Talabalar to‘garaklari doirasida izlanishlar, ilmiy-tadqiqot, individual va guruhli loyihalarni ishlab chiqish va ilmiy-tadqiqot ekspedisiyalari madaniy tadbirlar shaklidagi amaliy ishlar olib borilmoqda.
