Universitetimizda talabalar uchun ma’naviy-ma’rifiy yo‘nalishda “Ma’rifat darsi” tashkil etildi. Ushbu dars yoshlarning ma’naviy yetukligi, bilimning hayotdagi o‘rni va milliy qadriyatlarimizga hurmat ruhida o‘tdi.
Dars davomida yoshlarga bilim olishning naqadar muhim ekani, mustahkam ma’naviyat va yuksak axloqiy mezonlar jamiyat taraqqiyotining asosi ekani haqida so‘z yuritildi. Shuningdek, milliy urf-odat va qadriyatlarimizni asrab-avaylash, zamonaviy dunyoqarash bilan uyg‘unlashtirish masalalariga alohida e’tibor qaratildi.
Talabalar darsda faollik bilan ishtirok etib, o‘z fikr-mulohazalari va takliflarini bildirdilar. Ular orasida Vatanga muhabbat, ona tiliga ehtirom va komil inson bo‘lish yo‘lida intilish kabi mavzularda yuksak ruhda mulohazalar bildirildi.
Mazkur dars yoshlarga ma’naviy ozuqa bo‘lib, ularni o‘z oldilariga aniq maqsadlar qo‘yishga, Vatan ravnaqi yo‘lida mas’uliyat bilan harakat qilishga undadi.
