"Ipak yoʻli” turizm va madaniy meros xalqaro universitetida
Yashil Universitet – Ekologik Barqarorlik va Innovatsiyalar "Ipak yoʻli” turizm va madaniy meros xalqaro universitetida
"Ipak yoʻli” turizm va madaniy meros xalqaro universiteti tabiatni asrash, yashil texnologiyalarni joriy etish va ekologik ongni shakllantirishga yo‘naltirilgan "Yashil Universitet" tashabbusini ilgari suradi. Biz barqaror rivojlanish tamoyillariga asoslangan holda ekologik ta’limni rivojlantiramiz, universitet infratuzilmasini ekologik toza energiya manbalariga moslashtiramiz va talabalar hamjamiyatini atrof-muhit muhofazasiga jalb qilamiz. Yashil kelajak sari innovatsion yondashuv bilan birga qadam tashlaymiz!
Universitetimizda “Ziyolilar bog‘i” barpo qilindi.
Bugun 15-mart kuni Jizzax shahrida Oliy ta’lim, fan va innovatsiyalar vazirligi tomonidan “Atrof-muhitni asrash va “yashil iqtisodiyot” yili munosabati bilan “Bu bog‘lar bir bog‘lar bo‘ladi..”shiori ostida “Ziyolilar bog‘i”ni tashkil etish maqsadida ko‘chat ekish marafoni o‘tkazildi. Marafonda Oliy ta’lim, fan va innovatsiyalar vaziri Q.Sharipov va boshqalar ushbu loyihadan ko‘zlangan maqsad va vazifalar haqida gapirib, respublika miqyosida onlayn tarzda ishtirok etayotgan oliy ta’lim muassasalariga ko‘chat ekishni boshlash bo‘yicha start berdi.
“Ipak yo‘li” turizm va madaniy meros xalqaro universiteti jamoasi ham ushbu marafonda faol ishtirok etib, oliygohimiz hovlisida “Ziyolilar bog‘ini” tashkil qilib, unga 20 ga yaqin turli xildagi manzarali daraxt ko‘chatlari ekishdi.
