Ramzlar
UNIVERSITETNING MAQSAD VA VAZIFALARI
“Ipak yo’li” turizm va madaniy meros xalqaro universiteti O’zbekiston Respublikasi Prezidenti Shavkat Mirziyoyevning 2018 - yil 28 - iyundagi Qarori bilan Samarqand shahrida tashkil etilgan.
Xalqaro turizm sohasida professional kadrlar tayyorlash va ilmiy-tadqiqot ishlari olib borish tizimini tashkil etish, Shanxay Hamkorlik Tashkilotiga a’zo davlatlarning tarixiy, madaniy va gumanitar aloqalarini yanada rivojlantirish, shuningdek O’zbekiston Respublikasi O‘zbekiston Respublikasi Ekologiya, atrof-muhitni muhofaza qilish va iqlim o‘zgarishi huzuridagi Turizm qo‘mitasi, Oliy ta’lim fan va innovatsiyalar vazirligi va Samarqand viloyati hokimligining taklifi bilan respublika tashabbusini amalga oshirish maqsadida Samarqand shahrida “Ipak yo’li” turizm xalqaro universiteti tashkil etildi.
“Ipak yo‘li” turizm va madaniy meros xalqaro universiteti
ramzi haqida rasmiy tavsif
“Silk Road” International University of Tourism and Cultural Heritage” emblemasi universitetning tarixiy, madaniy va ilmiy qadriyatlarini ifodalovchi ramziy belgi hisoblanadi.
Emblema aylana shaklida bo‘lib, uning tashqi qismi ko‘k rangdagi halqa bilan o‘ralgan. Bu halqaning cheti to‘lqinsimon ko‘rinishda bo‘lib, barqarorlik, an’ana va mukammallik timsoli hisoblanadi.
Halqaning ichki qismida oq fon joylashgan bo‘lib, u poklik, ilmga sadoqat va ochiqlikni anglatadi. Tashqi halqaning yozuv qismida aylana bo‘ylab “INTERNATIONAL UNIVERSITY OF TOURISM AND CULTURAL HERITAGE” va “SILK ROAD” so‘zlari joylashgan. Yozuvlar ingliz tilida berilib, universitetning xalqaro nufuzini va jahon ta’lim makonidagi ishtirokini ifodalaydi.
Emblemaning markaziy qismida ikkita tuya minib borayotgan karvon tasviri joylashgan bo‘lib, u Buyuk Ipak yo‘li merosini, savdo, madaniyat va ilm almashinuvining uzviy bog‘liqligini ramziy tarzda namoyon etadi. Karvon orqasida tarixiy me’moriy inshootlar manzarasi tasvirlangan bo‘lib, ular Sharq madaniyati va turizm sohasining boy tarixini ifoda etadi.
Yuqori qismida bosh kiyim, mantiya (akademik mantiya) tasviri, uning ikki tomonida ikki yulduzcha bilan berilgan bo‘lib, ular ilm-ma’rifat, taraqqiyot va xalqaro hamkorlik timsoli sifatida talqin etiladi.
Emblemaning markazidagi “Silk Road” yozuvi tillosimon rangda berilgan bo‘lib, universitetning Buyuk Ipak yo‘li an’analari bilan bog‘liq ta’limiy missiyasini va kelajakka yo‘naltirilgan konsepsiyasini aks ettiradi.
Emblemaning poyonida “2018” yili yozilgan bo‘lib, bu universitetning tashkil topgan sanasini anglatadi.
Universiteti logotipining amalda qo‘llanilishi
Universitetning logotipi universitet binosining yuqori qismiga 1,5 x 1,5 metr o‘lchamda o‘rnatilib, ta’lim maskani qiyofasiga o‘zgacha shukӯh bag‘ishladi. Shu bilan birga, universitet logotipi tasvirlangan bayroqlar, mingga yaqin futbolkalar va bosh kiyimlar maxsus buyurtma asosida tayyorlanib, turli tadbirlarda talabalar va mehmonlarga taqdim etildi.
Xorijlik mehmonlar uchun esa universitet ramzi aks etgan maxsus statuetkalar ishlab chiqilib, universitetning nufuzi va an’analarini namoyon etuvchi qadrli sovg‘a sifatida taqdim etildi.
Bu sa’y-harakatlar universitetining ilmiy-ma’rifiy faoliyati bilan bir qatorda, uning brend qadriyatlarini ham keng targ‘ib etishga xizmat qilmoqda.
