2025-yil 12-dekabr kuni akademik Ye.A. Buketov nomidagi Qarag‘anda milliy tadqiqot universiteti tomonidan “The Digital Economy: A New Business Architecture and Competencies Transformation” mavzusida xalqaro ilmiy-amaliy konferensiya tashkil etildi. Mazkur konferensiyada universitetimiz dotsenti, PhD N. Rahimova onlayn tarzda ishtirok etdi.
Konferensiya doirasida taqdim etilgan ilmiy ma’ruza o‘zining dolzarbligi, ilmiy jihatdan ko‘p qirrali yondashuvi hamda amaliy ahamiyati bilan ishtirokchilar va ekspertlar tomonidan yuqori baholandi. Natijada dotsent, PhD N. Rahimova mazkur yo‘nalish bo‘yicha 1-o‘ringa loyiq deb topildi.
Ushbu yutuq universitetimizda ilmiy-tadqiqot faoliyati yuqori saviyada olib borilayotganini, shuningdek, raqamli iqtisodiyot sohasidagi ilmiy izlanishlarning bugungi kundagi muhim va strategik ahamiyatga ega ekanligini yana bir bor yaqqol tasdiqlaydi.
