Bugun universitetimizda talabalarning atrof-muhitga bo‘lgan mas’uliyatini oshirish va ularda ekologik madaniyatni shakllantirish maqsadida “Ekologiyani asrash — barchamiz burchimiz” mavzusida amaliy seminar tashkil etildi.
Tadbirda professor-o‘qituvchilar, talabalar hamda mahalliy ekologik tashkilotlar vakillari ishtirok etdilar. Seminar davomida ekologik muammolarning dolzarbligi, tabiatni muhofaza qilishning zamonaviy usullari va barqaror rivojlanish tamoyillari haqida fikr almashildi.
Shuningdek, ishtirokchilar uchun amaliy mashg‘ulotlar o‘tkazilib, universitet hududidagi yashil maydonlarni parvarish qilish hamda chiqindilarni saralash bo‘yicha ko‘rgazmali tadbirlar uyushtirildi.
Tadbir yakunida talabalar ekologiyani asrash borasida o‘z taklif va g‘oyalarini bayon etib, ularni amalga oshirish bo‘yicha rejalar ishlab chiqdilar.
