Bugun, 19-may kuni Samarqandda “Orzudan imkoniyatga: Garvard Samarqandda!” shiori ostidagi Garvard yetakchi yoshlar sammitining birinchi kuni bo‘lib o‘tmoqda. Sammit doirasida universitet faollar zalida talabalar, Prezident maktabi o‘quvchilari va boshqa iqtidorli yoshlar hamda Garvard universiteti talabalari o‘rtasida qizg‘in munozaralar va fikr almashuvlar tashkil etildi. Asosiy mavzular:

Barqaror iqtisodiyot

Ijtimoiy tarmoqlarning yoshlar hayotiga ta’siri Ishtirokchilar “Impact Challenge” loyihasida jamoaviy tarzda real muammolarga yechim topib, Garvard uslubidagi seminarda o‘zaro muloqotga kirishishdi. Eng muhimi, yoshlar bevosita Garvard talabalari bilan fikr almashib, o‘z orzularini imkoniyatga aylantirish yo‘lida bebaho tajribaga ega bo‘lmoqdalar.