“Orientation Days” tadbirlari doirasida talabalarga o‘zlari ta’lim oladigan yo‘nalishlar bilan yaqindan tanishish imkoniyati yaratildi. Ushbu jarayonda universitetning yetakchi kafedralari tomonidan maxsus taqdimotlar tashkil etilib, professor-o‘qituvchilar talabalar bilan bevosita muloqotda bo‘lishdi. Taqdimotlar davomida kafedra vakillari o‘z faoliyat yo‘nalishlari, o‘quv jarayonining mazmun-mohiyati, ilmiy izlanish imkoniyatlari va xorijiy professor-o‘qituvchilar ishtirokida olib boriladigan mashg‘ulotlar haqida batafsil ma’lumotlar taqdim etdilar. Shuningdek, talabalar uchun mo‘ljallangan amaliyot dasturlari, innovatsion loyihalar va ilm-fan sohasidagi yangiliklar xususida keng tushunchalar berildi.
