Bugun, 13-fevral kuni “Hilton Tashkent City” mehmonxonasida Turizm qoʻmitasi hamkorligida Oʻzbekiston mehmonxonalar uyushmasi tomonidan tashkil etilgan “Hotel Business Forum 2026” xalqaro forumi o‘z ishini boshladi.

Forumning asosiy mavzusi “Sun’iy intellekt: turizm va mehmondo‘stlikning yangi tendensiyasi”.

Hotel Business Forum 2026 doirasida interaktiv “B2B” va “G2B” uchrashuvlari, HoReCa segmenti uchun mahsulot va xizmatlar ko‘rgazmasi hamda O‘zbekiston Milliy mehmondo‘stlik mukofotini topshirish marosimi o‘tkaziladi.