“Ipak yo‘li” turizm va madaniy meros xalqaro universitetida xorijda tahsil olayotgan bitiruvchilar bilan talabalar uchrashuvi bo‘lib o‘tdi. Mazkur tadbir talabalarning xalqaro ta’lim imkoniyatlari, akademik mobillik va magistratura bosqichiga tayyorgarlik jarayonlari bo‘yicha bilimlarini kengaytirish maqsadida tashkil etildi.
Uchrashuvda universitet bitiruvchilari – Italiyaning nufuzli Sapienza University of Rome magistratura bosqichi talabasi Iroda Bakayeva va Xitoyning yetakchi oliy ta’lim muassasalaridan Beijing International Studies University magistratura bosqichi talabasi Sherzod Aslonov ishtirok etdi.
Uchrashuv davomuda bitiruvchi talabalarimiz tomonidan xorijiy universitetlarga qabul jarayonlari, grant va stipendiya imkoniyatlari va xalqaro talabalar uchun yaratilgan sharoitlar haqida batafsil ma’lumot berdilar.
Mazkur uchrashuv universitetning bitiruvchilar bilan aloqalarni mustahkamlash, xalqaro akademik hamkorlikni rivojlantirish hamda talabalarning xalqaro ta’lim maydoniga integratsiyasini qo‘llab-quvvatlash uchun xizmat qiladi.
