Bugun, 5-dekabr kuni “Ipak yo‘li” turizm va madaniy meros xalqaro universiteti psixologi D.Turdiyeva tomonidan professor-o‘qituvchilar va xodimlar uchun ajoyib motivatsion tadbir o‘tkazildi. Bu safargi trening inson ong osti bilan ishlaydigan, salbiy his-tuyg‘ular va ruhiy zo‘riqishlarning oldini olishga yordam beruvchi neyrografikaga bag‘ishlandi. Maxsus chiziqlar va shakllar yordamida yangi neyron aloqalar yaratish orqali ongni “qayta dasturlash” imkonini beruvchi ushbu samarali psixologik usulni bajarish jarayoni barcha ishtirokchilarga ko‘tarinki kayfiyat bag‘ishlab, o‘z hayotini isloh qilishga turtki bo‘ldi.
