Universitetimizning katta o‘qituvchisi Botir Rahmatullaev Shveysariya elchixonasi ko‘magida Helvetas Swiss Intercooperation tomonidan amalga oshirilayotgan “VET4UZ – O‘zbekistonda kasbiy ta’lim islohotlarini qo‘llab-quvvatlash” loyihasi doirasidagi mintaqaviy almashuv dasturida ishtirok etdi.
Dastur dual ta’lim, O‘zbekistonda mehmondo‘stlik sohasida kasb-hunar ta’limi (VET) dasturini kuchaytirish va dual ta’lim modelini rivojlantirishga qaratilgan.
Bundan tashqari, ushbu loyiha mehmondo‘stlik sohasida ko‘nikmalar va barqaror amaliyotlarni integratsiya qilish bo‘yicha bilim darajasini oshirish, hamkorliklar va tajriba almashish dasturlari uchun imkoniyatlarni aniqlash, turizm va mahalliy hamjamiyatlar bilan hamkorlik bo‘yicha ilg‘or tajribalarni o‘rganish va joriy etishga qaratilgan.
Ishtirokchilar Qirg‘izistonning kasbiy ta’lim sohasidagi tajribasi bilan tanishdilar hamda Bishkek va Qorakoldagi ekologik toza texnologiyalarni joriy etayotgan muassasalarda bo‘ldilar.
Ushbu tashrif O‘zbekiston mehmonxonachilar assotsiatsiyasi hamda Qirg‘izistonlik hamkorlar (HORECA, KATO va DMO Qorakol) o‘rtasidagi institutsional hamkorlikni mustahkamlashga xizmat qildi.
