Universitetimizda tashkil etilgan “Kitobxonlik madaniyati” klubi doirasida 1-bosqich talabalari o‘zlarining bo‘sh vaqtlarini mazmunli va unumli o‘tkazishmoqda. Talabalar universitet kutubxonasidagi boy kitob fondidan faol foydalanib, bilim va ma’naviyatlarini yanada boyitishmoqda.
Klub faoliyatining asosiy maqsadi — yoshlar orasida kitob o‘qishga bo‘lgan qiziqishni oshirish, intellektual salohiyatni rivojlantirish hamda kitob mutolaasi madaniyatini shakllantirishdir.
Talabalar “O‘qilishi shart bo‘lgan 100 ta kitob” ro‘yxatidagi asarlardan o‘zlariga manzur bo‘lganlarini tanlab, ularni chuqur o‘rganishmoqda. Bu esa ularning dunyoqarashi, tafakkuri va nutq madaniyatining yuksalishiga xizmat qilmoqda.
Mazkur tashabbus orqali talabalar nafaqat kitobxonlik odatini shakllantirishmoqda, balki mustaqil fikrlash, tahlil qilish va o‘z fikrini erkin bayon etish ko‘nikmalarini ham rivojlantirishmoqda.
