Hurmatli professor-o‘qituvchilar!
Aziz talabalar!
Тa’lim tizimini yanada takomillashtirish, ilm-fan salohiyatini yuksaltirish hamda zamonaviy bilim va ko‘nikmalarga ega raqobatbardosh kadrlar tayyorlash davlat siyosatining ustuvor yo‘nalishlaridan biri hisoblanadi. Mazkur ezgu maqsadlarni ro‘yobga chiqarish yo‘lida O‘zbekiston Respublikasi Prezidenti Administratsiyasi huzuridagi Ta’lim sifatini ta’minlash milliy agentligi tomonidan respublikamizdagi barcha oliy ta’lim muassasalarida umummilliy so‘rovnoma o‘tkazilmoqda. Ushbu so‘rovnoma professor-o‘qituvchilar va talabalarning fikr-mulohazalarini chuqur o‘rganish, mavjud muammolarni aniqlash hamda ta’lim sifatini yanada oshirishga qaratilgan.
Alohida ta’kidlash joizki, mazkur so‘rovnoma hech qanday nazorat yoki tekshiruv maqsadini ko‘zlamaydi. So‘rov natijalari faqat tahliliy jihatdan foydalaniladi hamda ishtirokchilarning shaxsiy ma’lumotlari to‘liq maxfiy saqlanishi kafolatlanadi.
Shu munosabat bilan, barcha professor-o‘qituvchilar va talaba-yoshlarni ushbu so‘rovnomada faol va mas’uliyat bilan ishtirok etishga chorlayman.
So‘rovnomada ishtirok etish uchun havola:
Sizning har bir bildirgan fikringiz va taklifingiz universitetimiz nufuzi, ta’lim sifati hamda kelajak avlod uchun yanada zamonaviy va qulay ta’lim muhitini yaratishda muhim ahamiyat kasb etadi.
Hurmat bilan,
Raymond Jozef Xoffman
“Ipak yo‘li” turizm va madaniy meros xalqaro universiteti
O'quv ishlari bo'yicha prorektor
