Mazkur tadbirning asosiy maqsadi – yoshlar o‘rtasida axborot xavfsizligi madaniyatini oshirish, kiber jinoyatlardan himoyalanish yo‘llarini o‘rgatish hamda ularni raqamli makonda ongli harakat qilishga undashdan iborat bo‘ldi. Tadbir davomida soha mutaxassislari tomonidan talabalarga kiberxavfsizlikning dolzarb masalalari, internetdan foydalanishda ehtiyot choralarini ko‘rish, shaxsiy ma’lumotlarni himoya qilish bo‘yicha amaliy ko‘nikmalar berildi.