Ota-onalar va universitet o‘rtasida samarali muloqotni yo‘lga qo‘yish maqsadida tashkil etilgan tadbirda talabalarning akademik va ijtimoiy rivojlanishini qo‘llab-quvvatlashga alohida e’tibor qaratildi.
Tadbirda ota-onalar va universitet o‘rtasida axborot almashish mexanizmlarini shakllantirish, talabalarning ijtimoiy-emosional rivojlanishi hamda hamkorlikni kuchaytirish bo‘yicha takliflar o‘zaro muhokama qilindi.
Kongressning ahamiyatli tomoni shundaki, unda turli taqdimotlar o‘tkazilib, ota-onalar uchun ochiq suhbatlar tashkil qilindi va talabalarni qiynayotgan ayrim muammolarga yechim topildi. Bundan tashqari, ota-onalar tomonidan yoshlarni qo‘llab-quvvatlash bo‘yicha bildirilgan taklif va tashabbuslar tadbiq etilishi belgilab olindi.
