O‘zbekiston Respublikasi Oliy ta’lim, fan va innovatsiyalar vazirligining hamda O‘zbekiston Respublikasi Vazirlar Mahkamasining 2024-yil 20-yanvardagi “O‘zbekiston Respublikasi Oliy ta’lim, fan va innovatsiyalar vazirligi huzuridagi talaba va o‘quvchilarning ijtimoiy faolligini oshirish markazi faoliyati samaradorligini oshirish chora-tadbirlari to‘g‘risida”gi qarorigiga muvofiq, oliy va kasbiy ta’lim tashkilotlari hamda akademik litseylarda talaba va o‘quvchilarning tadbirkorlik sohasiga oid bilim va ko‘nikmalarini oshirish, ularni kasbga yo‘naltirish maqsadida tadbirkor va hunarmandlar ishtirokida o‘quv-treninglar tashkil etish belgilangan. 24-oktchbr kuni “Ipak yo‘li” xalqaro turizm va madaniy meros universitetida talabalar uchun tadbirkorlik sohasiga oid bilim va ko‘nikmalarni rivojlantirishga qaratilgan o‘quv-treninglar tashkil etildi.
Treningda tadbirkorlar, mahalliy hunarmandlar hamda sohaga oid mutaxassislar ishtirok etib, talabalar bilan o‘z tajribalari bilan o‘rtoqlashdilar, amaliy mashg‘ulotlar o‘tkazdilar va zamonaviy biznes yuritish bo‘yicha foydali tavsiyalar berdilar.
