Bugun 28-aprel kuni universitetda Butunjahon mehnatni muhofaza qilish kuni munosabati bilan targ‘ibot tadbiri o‘tkazildi. Universitet kasaba uyushmasi raisi, professor-o‘qituvchilari hamda xodimlar ishtirok etgan tadbirda mehnatni muhofaza qilish, xavfsiz va sog‘lom mehnat sharoitlarini yaratish, ishlab chiqarishdagi xavfsizlik qoidalariga rioya etishning ahamiyati haqida batafsil ma’lumotlar berildi. Shuningdek, xodimlarning mehnat faoliyati davomida yuzaga kelishi mumkin bo‘lgan xavf-xatarlarning oldini olish, mehnat madaniyatini oshirish hamda xavfsizlik choralarini kuchaytirish masalalari muhokama qilindi.
