Ipak yo‘li universitetlari tarmog‘i (SUN) hamda Xitoyning Fudan universiteti va Italiyaning Venetsiya shahridagi Ca’ Foscari universiteti hamkorligida YICGG 2026 – Global boshqaruv bo‘yicha yoshlar innovatsion tanlovi o‘tkaziladi.
Tanlovning 2026-yilgi umumiy mavzusi: “Jahon madaniy merosi va insoniyat sivilizatsiyasi”. Maqola ingliz tilida bo‘lishi talab qilinadi.
Talabalar mazkur mavzu doirasidagi yo‘nalishlardan biri bo‘yicha o‘z ilmiy esse va innovatsion g‘oyalarini taqdim etishlari mumkin. Tanlov uch bosqichda o‘tkazilib, final bosqichi va taqdirlash marosimi 2026-yil 20–24-iyul kunlari Italiya, Venetsiya shahrida bo‘lib o‘tadi.
Ishtirokchilar 3 ta grant turidan faqat bittasiga ariza topshirishlari mumkin. Agar subsidiya olish uchun ariza topshirmoqchi bo‘lsangiz, quyidagi havolalardan biri orqali ariza shaklini to‘ldiring:
yoki
Tanlovning birinchi bosqichida ishtirok etish uchun siz yoki sizning guruhingiz taklif (proposal) hujjatini quyidagi rasmiy elektron pochta manziliga yuborishingiz kerak:
Taklif hujjatini tayyorlashda 4.1-ilova (dastlabki bosqich uchun matn formati) talablariga amal qiling. Ro‘yxatdan o‘tish shaklini ham taklif hujjati bilan birgalikda bitta elektron xat orqali yuborish talab etiladi.
Esse rejasini topshirish muddati: 2026-yil 23-aprel.
Batafsil ma’lumot va ariza topshirish tartibi ilovalarda keltirilgan.
