Bugun “Orientation Days” tadbirlari doirasida universitet psixologi Dildora Turdieva 1-bosqich talabalari bilan uchrashuv o‘tkazdi. Uchrashuv davomida talabalarga psixologik moslashuv, yangi muhitga tezroq ko‘nikish, stressni boshqarish, guruhda samarali muloqot qilish va o‘qish jarayonida motivatsiyani saqlash bo‘yicha tushuntirishlar berildi. Shuningdek, psixolog tomonidan talabalarning shaxsiy rivojlanishi, sog‘lom turmush tarzi va ijobiy muhit yaratishning ahamiyati haqida tavsiyalar berildi.