Universitetda talabalarda kibermadaniyatni yuksaltirish, internetdan to‘g‘ri va xavfsiz foydalanish ko‘nikmalarini shakllantirish maqsadida targ‘ibot-tashviqot tadbiri tashkil etildi. Tadbirni universitet inspektori Sh. Qurbonov olib bordi.
Suhbat davomida internetdan foydalanish madaniyati, shaxsiy ma’lumotlarni himoya qilish, feyk axborotlarni aniqlash hamda kiberxavflardan saqlanishning samarali usullari haqida batafsil ma’lumot berildi.
Tadbir ishtirokchilari kibermakon xavfsizligining ahamiyati, onlayn muhitda mas’uliyatli xatti-harakatlar, axborot manbalarini tanlash madaniyati kabi dolzarb masalalar yuzasidan foydali tavsiyalar oldilar.
Mazkur tadbir talabalarda sog‘lom axborot muhitini shakllantirish, raqamli savodxonlikni oshirish hamda kiberxavfsizlik madaniyatini mustahkamlashga xizmat qildi.
