2025-yil 7-avgust kuni “Dolzarb 90 kun” dasturi doirasida “Ipak yo‘li” turizm va madaniy meros xalqaro universitetida maktab o‘quvchilari hamda mahalla yoshlari uchun taekvondo sport turi bo‘yicha amaliy mashg‘ulot va do‘stona musobaqa tashkil etildi.
Tadbir yoshlar o‘rtasida sog‘lom turmush tarzini targ‘ib qilish, ularni sportga jalb etish, bo‘sh vaqtlarini mazmunli tashkil etish hamda jismoniy faollikni oshirish maqsadida o‘tkazildi. Mashg‘ulotlar davomida murabbiylar tomonidan yoshlarga taekvondoning asosiy uslublari va texnikalari bo‘yicha amaliy ko‘rsatmalar berildi.
Ushbu tadbir yoshlarda katta qiziqish uyg‘otib, ularni sport bilan muntazam shug‘ullanishga undaganligi bilan ahamiyatli bo‘ldi.
