2-iyul kuni universitetga biriktirilgan texnikumlar direktorlari, direktor oʻrinbosarlari hamda taʼlim sifatini taʼminlash boʻyicha masʼul xodimlar ishtirokida VET4UZ loyihasi jamoasi bilan ilk onlayn uchrashuv boʻlib oʻtdi.

Muntazam muloqotlar seriyasining boshlangʻich bosqichi sifatida tashkil etilgan ushbu uchrashuvda quyidagi asosiy masalalar muhokama qilindi:

🔹 Loyihaning istiqbollari: VET4UZ loyihasining II bosqichi (2026–2029) doirasida texnikumlarni qoʻllab-quvvatlash mexanizmlari taqdim etildi.

🔹 Joriy holat tahlili: Yangi oʻquv yili uchun qabul jarayoni, dual taʼlimning bugungi holati hamda ish beruvchilar bilan hamkorlik masalalari koʻrib chiqildi.

🔹 Tajriba almashinuvi: Dual taʼlimni muvaffaqiyatli amalga oshirgan texnikumlarning bitiruvchilarni ish bilan taʼminlash borasidagi ilgʻor tajribalari oʻrganildi.

🔹 Qoʻshma rejalar: Yil davomida amalga oshiriladigan hamkorlik tadbirlari va uchrashuvlarning aniq taqvimi kelishib olindi.

Maʼlumot uchun: Shveysariya taraqqiyot va hamkorlik agentligi (SDC) tomonidan moliyalashtiriladigan hamda HELVETAS tashkiloti tomonidan amalga oshirilayotgan VET4UZ loyihasi kasbiy taʼlim sifatini oshirish va bitiruvchilarning bandligini taʼminlashga qaratilgan.