“Ipak yo‘li” turizm va madaniy meros xalqaro universitetida 2025–2026 o‘quv yilining kuzgi semestrida o‘tilgan fanlar bo‘yicha yakuniy nazorat imtihonlari bo‘lib o‘tmoqda. Mazkur imtihonlar jarayonida talabalarning semestr davomida egallagan bilim, malaka va ko‘nikmalari xolis hamda adolatli tarzda baholanmoqda.

Yakuniy nazorat imtihonlari shaffoflik va ochiqlik tamoyillarini ta’minlash maqsadida zamonaviy kuzatuv kameralari yordamida markazlashtirilgan holda tashkil etilmoqda. Jarayon davomida akademik halollik qoidalariga qat’iy rioya qilinib, imtihonlarning belgilangan tartib asosida, yuqori saviyada o‘tkazilishiga alohida e’tibor qaratilmoqda.