“Ipak yo‘li” turizm va madaniy meros xalqaro universiteti rahbariyati tomonidan Talabalar turar joyida istiqomat qilayotgan talabalarning yashash sharoitlari atroflicha o‘rganildi. Dastlab, universitetning faol va tashabbuskor talaba-yoshlaridan tashkil topgan “Qalqon” guruhi a’zolari bilan ochiq muloqot o‘tkazildi.
Shundan so‘ng, talaba-qizlarning tyuterlar bilan o‘zaro muloqoti tashkil etilib, ularning taklif va mulohazalari tinglandi. O‘rganishlar jarayonida Talabalar turar joyida talabalar uchun barcha maishiy va texnik shart-sharoitlar yaratilgani qayd etildi. Jumladan, issiq va shinam xonalar, zamonaviy oshxona, sport maydonchalari hamda ma’naviyat xonalari talabalar ixtiyoriga topshirilgan.
Mazkur tashrif doirasida yigitlar o‘rtasida futbol musobaqasi tashkil etilib, talabalar uchun universitet tomonidan osh tayyorlanib, tarqatildi. Tadbirlar talabalarning bo‘sh vaqtini mazmunli tashkil etish, sog‘lom turmush tarzini targ‘ib qilish hamda ularning ijtimoiy faolligini oshirishga xizmat qildi.
