Bugun ertalabdan “Ipak yo‘li” turizm va madaniy meros xalqaro universitetida 8-mart – Xalqaro xotin-qizlar kuni munosabati bilan bayram tadbirlari boshlandi. Universitet jamoasi oliygohda faoliyat yuritayotgan barcha xotin-qizlarni, jumladan, professor-o‘qituvchilar va xodimlarni ushbu qutlug‘ kun bilan samimiy muborakbod etdi.

Tantanali ruhda o‘tgan bayram tadbirida professor-o‘qituvchi ayollar va xodimlarga o‘z kasblariga sadoqatlari, yosh avlodga bilim va tarbiya berishdagi hissalari uchun minnatdorlik izhor qilindi.