Tashrif doirasida talabalar “Qatag‘on qurbonlari xotirasi” muzeyiga ham borib, mustabid tuzum davridagi ommaviy qatag‘onlar oqibatida jabr chekkan va hayotdan bevaqt ko‘z yumgan yurtdoshlarimizning xotirasini ulug‘lash, ularning insonlik sha’ni va qadr-qimmati qay darajada poymol qilinganini ko‘rsatuvchi tarixiy hujjatlar hamda eksponatlar bilan tanishdilar.
Mazkur sayohat talabalarning Vatanga bo‘lgan muhabbati va sadoqat tuyg‘ularini yanada mustahkamlash, tarixiy xotirani asrash va yosh avlod qalbida milliy g‘ururni yuksaltirishga qaratilgan muhim ma’naviy tarbiya sabog‘i bo‘ldi.
