Tillar va Global Tadqiqotlar kafedrasi o‘qituvchisi Turakulova Hilola rahbarligida Akademik Tadqiqot va Yozuv kursida tahsil olayotgan talabalar Rustamov Foziljon va Akbarova Amina yuksak akademik yutuqqa erishdilar.
Bir necha oy davom etgan mashaqqatli mehnat, chuqur ilmiy izlanishlar va muntazam akademik faoliyat natijasida iqtidorli talabalarimiz o‘z ilmiy maqolalarini OAK va Innovative Economy kabi nufuzli jurnallarda muvaffaqiyatli chop ettirdilar. Ushbu jurnallar ilmiy ishonchliligi, yuqori akademik standartlari va ilm-fan rivojiga qo‘shayotgan hissasi bilan keng e’tirof etilgan.
Mazkur yutuq oddiy nashr emas, balki talabalarning ilm-fanga bo‘lgan qiziqishi, izlanishlarga sadoqati, intellektual salohiyati va qat’iyatining yorqin ifodasidir. Ularning muvaffaqiyati mehnatsevarlik, mas’uliyat va ilmiy tafakkur orqali katta natijalarga erishish mumkinligini yana bir bor namoyon etdi.
Bunday muvaffaqiyatlar universitetimizda shakllanib borayotgan kuchli ilmiy muhitning yorqin namunasi bo‘lib, boshqa talabalar uchun ham ilhom manbai bo‘lib xizmat qiladi. Yosh tadqiqotchilarimizni ushbu muhim yutuq bilan samimiy tabriklaymiz va kelgusi ilmiy faoliyatlarida ularga yanada ulkan muvaffaqiyatlar tilaymiz.
