“Ipak yo‘li” turizm va madaniy meros xalqaro universitetida Yaponiyaning Nano Association Co., Ltd kompaniyasi vakillari tashrif buyurdi. Ushbu kompaniya Yaponiyada turizm sohasini raqamlashtirish, web-sahivalar yaratish va turli mehmonxonalar bilan raqamlashtirish yo‘nalishida faoliyat olib boradi.
Uchrashuv davomida kompaniya vakillari tomonidan Yaponiyada turizm xizmatlarini raqamlashtirishda qo‘llanilayotgan ilg‘or texnologiyalar va tajribalar bilan o‘rtoqlashildi. Shuningdek, kompaniyaning Osiyo mamlakatlaridagi turizm kompaniyalari bilan o'rnatgan hamkorlik aloqalari haqida ma’lumot beril.
Shuningdek, universitetimiz talabalari uchun Yaponiyada turizm sohasida amaliyot o‘tash va ish faoliyati yuritish imkoniyatlari haqida takliflar bildirildi. Bu orqali talabalar xalqaro tajriba orttirish va turizmda amaliy bilimlarni egallash imkoniga ega bo‘ladi. Tomonlar kelajakda qo‘shma loyihalarni amalga oshirish, raqamli turizm va innovatsiyalar bo‘yicha trening dasturlarini yo‘lga qo‘yish masalalarini ham muhokama qilishdi.
