“Ipak yo‘li” xalqaro turizm va madaniy meros universiteti vakillari Boku shahridagi Iqtisodiy islohotlar tahlili va kommunikatsiya markazida (CAERC) uchrashuv o‘tkazdi.Tomonlar O‘zbekiston–Ozarbayjon munosabatlari strategik sheriklik darajasiga ko‘tarilgani, turizm sohasidagi hamkorlik barqaror o‘sib borayotgani qayd etildi. O‘tgan yilning yanvar–noyabr oylarida O‘zbekistonga 21 mingdan ortiq ozarbayjonlik sayyoh tashrif buyurgan bo‘lsa, 2025-yilda Ozarbayjonga borgan o‘zbekistonliklar soni o‘tgan yilga nisbatan 34 foizga oshgan. Boku–Toshkent, Boku–Samarqand va Boku–Urganch yo‘nalishlaridagi to‘g‘ridan-to‘g‘ri aviaqatnovlar sayyohlik oqimini kengaytirmoqda.Universitetning “Xalqaro biznes va kreativ iqtisodiyot” kafedrasi mudiri N. Rahimova va o‘qituvchi N.Sultonova universitetning turizm sohasi uchun malakali kadrlar tayyorlashdagi roli haqida ma’lumotlar berdi. Uchrashuv so‘nggida universitet vakillariga CAERC nashr etgan “Middle Corridor: Analysis of Current Realities and Evaluation of Perspectives” kitobi taqdim etildi.
