O‘zbekiston Respublikasi Prezidentining 2023-yil 31-maydagi PQ-171-sonli “Ekologiya, atrof-muhitni muhofaza qilish va iqlim o‘zgarishi vazirligi faoliyatini samarali tashkil etish chora-tadbirlari to‘g‘risida”gi Qarori hamda ushbu qarorga 9-ilova sifatida tasdiqlangan muhim ekologik sanalar bo‘yicha tadbirlar taqvim rejasining 30-bandiga muvofiq, 2025-yil 10-noyabr kuni mamlakatimizda “Ko‘chib yuruvchi hayvonlar kuni” nishonlandi.

Mazkur sana munosabati bilan 2-bosqich TH-324 guruh talabalari ishtirokida mazmunli davra suhbati tashkil etildi. Tadbir davomida talabalar ko‘chib yuruvchi hayvonlarning tabiiy muhitni saqlashdagi o‘rni, ularning global ekologik muvozanatga ta’siri, shuningdek, inson faoliyatining ushbu hayvonlar hayotiga ko‘rsatadigan ijobiy va salbiy jihatlari haqida fikr almashdilar.

Suhbat jarayonida ko‘chib yuruvchi qushlar, dengiz sutemizuvchilari, baliqlar va boshqa turlarni muhofaza qilish bo‘yicha xalqaro tashabbuslar, O‘zbekistonning bu boradagi ishtiroki ham yoritib o‘tildi. Tadbir yoshlarning ekologik madaniyatini oshirish, atrof-muhitni asrashga bo‘lgan mas’uliyatini kuchaytirishga xizmat qildi.

Tadbir yakunida talabalar ekologiyani muhofaza qilish va hayvonot dunyosini asrab-avaylash har bir insonning fuqarolik burchi ekanini ta’kidladilar.