Universitet jamoasi Tersakning turistik salohiyati bilan yaqindan tanishdi
Universitetimiz professor-o‘qituvchilari, xodimlari hamda xorijiy talabalar uchun 19-sentabr kuni Urgut tumanidagi Tersak turizm qishlog‘iga sayohat tashkil etildi.
Sayohat davomida ishtirokchilar Tersakning tabiiy va turistik salohiyati, hududdagi turistik obyektlar, mahalliy aholining turmush tarzi hamda milliy urf-odatlari bilan yaqindan tanishdilar.
Tashrif davomida turizm yo‘nalishida amaliy bilim va ko‘nikmalarni rivojlantirish, hududdagi turistik obyektlarni keng targ‘ib qilish va ichki turizmni rivojlantirish bo‘yicha fikr va takliflar almashildi.
Tadbir yakunida Tersak hududining turistik salohiyatini yanada oshirish, mavjud obyektlarni targ‘ib qilish hamda kelgusida shu kabi ma’rifiy-amaliy sayohatlarni muntazam tashkil etish yuzasidan takliflar bildirildi.
