Bugun, 24-sentabr kuni, “Ipak yo‘li” turizm va madaniy meros xalqaro universitetida o‘tkazilayotgan Tanishtiruv haftaligi doirasida universitet inspektori Shukur Qurbonov 1-bosqich talabalari bilan uchrashuv o‘tkazdi.
Uchrashuv davomida talabalarga universitetning ichki tartib-qoidalari, odob-axloq me’yorlari, ta’lim jarayonida xavfsizlik va intizomga rioya etishning ahamiyati haqida batafsil tushuntirishlar berildi.
Shuningdek, talabalar bilim olish jarayonida mas’uliyatli bo‘lishi, bir-biriga hurmat ko‘rsatishi, universitet nufuzini oshirishda faol ishtirok etishi lozimligi alohida ta’kidlandi.
