Universitetimiz prorektori T.Zou 23-fevral kuni Rossiya-Tojikiston universitetiga tashrif buyurdi va oliygoh rektori I.Ibrohimzoda bilan uchrashuv o‘tkazib, ikki tomonlama hamkorlik istiqbollarini muhokama qildi. Ikkinchi kuni universitetimiz vakillari professor T.Zou, M.Amiriddinova va F.Akramova "Tojikistonda tog‘ turizmini rivojlantirish masalalari" mavzusidagi xalqaro ilmiy-amaliy konferensiyasida ishtirok etishdi. Professor T.Zou plenar majlisda "Xitoyning qishki turizmni rivojlantirish tajribasi" mavzusida ma’ruza qildi. Konferensiya doirasida mezbon universitet rahbariyati bilan uchrashuv o‘tkazilib, barqaror tog‘ turizmi, xalqaro konferensiyalar va qo‘shma ilmiy loyihalar yuzasidan hamkorlik masalalari xususida o‘zaro fikr almashdi. Ushbu tashrif universitetning xalqaro aloqalarini mustahkamlash va Markaziy Osiyoda strategik sheriklikni rivojlantirishga xizmat qildi.
