2025-yil 18-dekabr kuni Xitoy Fanlar akademiyasi delegatsiyasi doktor Qinxue Wang boshchiligida hamda Atrof-muhitni o‘rganish milliy instituti (NIES) vakillari universitetimizga tashrif buyurdi. Tashrif doirasida doktor Qinxue Wang Mo‘g‘uliston yaylovlarida iqlim o‘zgarishini monitoring qilish mavzusida, professor Yonghui Yang esa Xitoyning qurg‘oqchil hududlarida suvni tejash va uning qishloq xo‘jaligiga ta’siri haqida ma’ruzalar o‘qidi.
Ma’ruzalar talabalar va professor-o‘qituvchilar tomonidan katta qiziqish bilan tinglanib, iqlim o‘zgarishi, atrof-muhitga moslashuv va suv resurslarini barqaror boshqarish bo‘yicha muhim ilmiy fikrlar bilan boyidi. Tashrif savol-javoblar va kelgusidagi ilmiy hamkorlik muhokamalari bilan yakunlandi.
