2025-yil 3-noyabr kuni Pekin Shahar Universiteti Partiya qo‘mitasi kotibi, professor Gong Yu boshchiligidagi delegatsiya universitetimizga tashrif buyurdi. Mehmonlarni universitet ma’muriy masalalar bo‘yicha birinchi prorektori D.Nasimov kutib oldi.
Uchrashuv davomida ikki oliygoh o‘rtasidagi o‘zaro hamkorlikni yanada kengaytirish, xususan, xalqaro madaniy meros markazini birgalikda tashkil etish masalasi muhokama qilindi. Universitetimiz rahbariyati tomonidan ushbu tashabbus yuqori baholanib, bu markaz ikki universitet o‘rtasida madaniy va ilmiy aloqalarni mustahkamlashda muhim ahamiyat kasb etishini ta’kidladi. Shuningdek, o‘zaro muloqot davomida ta’lim, ilmiy tadqiqot va madaniy almashinuv yo‘nalishlarida ham hamkorlikni kengaytirish imkoniyatlari haqida fikr bildirildi.
Uchrashuvda universitetimiz ilmiy tadqiqotlar bo‘yicha prorektori, prof. T.Zou va boshqalar ishtirok etishdi.
Mehmonlar, shuningdek, “Ipak yo‘li” xalqaro tadqiqot instituti bilan ilmiy izlanishlar sohasida qo‘shma loyihalarni yo‘lga qo‘yish va kelgusidagi hamkorlik istiqbollarini ham muhokama qildilar.
