2025-yil 5-noyabr kuni universitetimizga Xitoyning nufuzli Janubi-G‘arbiy Moliya va Iqtisodiyot Universiteti (SWUFE) rahbariyati boshchiligidagi delegatsiya tashrif buyurdi.
Dastlab mehmonlar universitetimiz faoliyati, o‘quv jarayoni hamda ilmiy-tadqiqot ishlari bilan yaqindan tanishdilar. Shuningdek, ular universitetdagi madaniy meros yodgorliklari bilan tanishish jarayonida katta taassurotga ega bo‘ldilar.
SWUFE Turizm tadqiqot instituti direktori professor Zhang Meng hamda professor Shi Si universitetimizda yaratilgan madaniy muhit va qadimiy merosni asrash borasidagi tashabbuslarni yuksak baholadilar.
Tashrif davomida tomonlar o‘zaro ilmiy hamkorlikni rivojlantirish, xalqaro talaba almashinuv dasturlari hamda universitetlarning barqaror rivoji masalalari bo‘yicha samarali muloqot olib bordilar.
Shuningdek, uchrashuvda “Ipak yo‘li” turizm va madaniy meros xalqaro universiteti doirasida ilmiy jurnallarni rivojlantirish, professor-o‘qituvchilarning bilim va malakasini oshirish, hamda qo‘shma ilmiy loyihalar doirasida amaliy hamkorlikni kengaytirish masalalari muhokama qilindi.
