2025-yil 15-iyul kuni “Dolzarb 90 kun” dasturi doirasida “Ipak yo‘li” xalqaro turizm va madaniy meros universitetida ta’tildagi talabalar ishtirokida navbatdagi onlayn kitobxonlik tadbiri tashkil etildi. “Book Club” loyihasining bu galgi sonida mashhur qirg‘iz yozuvchisi Chingiz Aytmatovning “Asrga tatigulik kun” (yoki “Asrni qaritgan kun”) nomli asari talaba-yoshlar bilan birgalikda onlayn tarzda o‘rganildi va muhokama qilindi. Chingiz Aytmatovning asarlari odatda uning tug‘ilib-o‘sgan yurti — Markaziy Osiyoda yashovchi xalqlar, ularning samimiyligi, mehnatkashligi va qadriyatlarga sadoqatini aks ettiruvchi voqealar asosida yozilgan.

Mazkur asarda inson taqdiri, zamon va makon o‘zgarishlari, qadriyatlar bilan qarama-qarshilikda qolgan insoniylik mohiyati teran tasvirlangan. Asarda Edigey, Kazangap, Nayman Ona, Jo‘lamon va Sobitjon kabi qahramonlar o‘ziga xos obrazlarda gavdalantirilgan. Ushbu obrazlar orqali hayotiy haqiqatlar ochib berilgan bo‘lib, bunday insonlarni biz haqiqiy hayotda, atrofimizdan ham topishimiz mumkin.

Tadbir ishtirokchilari Chingiz Aytmatov ijodini yanada chuqurroq o‘rganish, uning asarlarida ko‘tarilgan dolzarb g‘oyalar haqida bahs-munozara qilish imkoniyatiga ega bo‘lishdi. Kitobxonlik orqali talabalar nafaqat badiiy asarni o‘qidilar, balki uning hayotiy va falsafiy jihatlarini ham chuqur angladilar.