2026-yil 6-mart kuni UN Tourism tematik ofisida, “Ipak yo‘li” turizm va madaniy meros xalqaro universiteti huzuridagi Iqtisodiyot fanlari bo‘yicha ilmiy darajalar beruvchi DSc.33/01.02.2022.I.145.01 raqamli Ilmiy Kengash qoshidagi Ilmiy seminarda universitetning ikki nafar mustaqil izlanuvchilari Maxmudova Aziza Pirmamatovna hamda Kamolova Mohinur Iskandarovnalarning 08.00.17 – “Turizm va mehmonxona faoliyati” ixtisosligi bo‘yicha dissertatsiya muhokamasi bo‘lib o‘tdi.
Seminarda Maxmudova Aziza Pirmamatovna “Hududlarda turizm xizmatlarini diversifikatsiya qilish jarayonining uslubiy-metodologik asoslarini takomillashtirish” mavzusida iqtisodiyot fanlari bo‘yicha fan doktori (DSc) hamda Kamolova Mohinur Iskandarovna esa “Turizm sohasida xizmatlar sifatini oshirish mexanizmini takomillashtirish” mavzusidagi iqtisodiyot fanlari bo‘yicha falsafa doktori (PhD) dissertatsiya ishi hamda erishilgan natijalari to‘g‘risidagi ma’lumotlarni seminar a’zolari va yig‘ilganlarga taqdimot qilib berishdi.
Mustaqil izlanuvchilar taqdimotlari seminar a’zolari hamda qatnashuvchilar tomonidan ijobiy qabul qilinib, kelgusi tadqiqotlarini davom ettirishda universitet professor-o‘qituvchilari tomonidan tavsiyalar berildi.
