Oʻzbekiston Respublikasi Prezidentining 2024-yil 18-iyuldagi PQ–269-sonli qarori — “Turizm sohasida kadrlar tayyorlash tizimini takomillashtirish chora-tadbirlari toʻgʻrisida”gi hujjatga muvofiq, 2024–2026-yillar davomida “Ipak yo‘li” turizm va madaniy meros xalqaro universitetida gid-tarjimon va ekskursovod kadrlarini tayyorlash vazifasi belgilangan edi.

Mazkur qaror ijrosi doirasida 2024-yil sentabr oyidan boshlab universitet huzurida “Gid-ekskursovodlarni tayyorlash kursi” faoliyati yo‘lga qo‘yildi.

2024-yil aprel–avgust oylarida tashkil etilgan navbatdagi, ya’ni 3-guruh tinglovchilari uchun 16 hafta davomida sifatli va intensiv o‘quv jarayoni tashkil etildi. Mashg‘ulotlar tajribali professor-o‘qituvchilar, malakali gidlar hamda turizm sohasi mutaxassislari tomonidan olib borildi. Darslar nazariy va amaliy yo‘nalishlarda o‘tkazilib, tinglovchilar Samarqand, Buxoro, Xorazm viloyatlari hamda Toshkent va Shahrisabz shaharlaridagi tarixiy-madaniy ob’ektlarda amaliyot o‘tash imkoniyatiga ega bo‘ldi. Natijada tinglovchilar turizm sohasida chuqur bilim va ko‘nikmalarga ega bo‘lib, kursni muvaffaqiyatli yakunlashdi.

16-sentabr kuni 3-guruhni tamomlagan 22 nafar tinglovchiga “Gid-ekskursovodlik” diplomlari tantanali ravishda topshirildi. Mazkur dastur mamlakatimizda turizm sohasining barqaror rivojlanishiga xizmat qiladigan yetuk, malakali va xorijiy tillarni yaxshi biladigan mutaxassislarni tayyorlashda muhim qadam bo‘lib xizmat qilmoqda.