2025-yil 17-dekabr kuni “Ipak yo‘li” turizm va madaniy meros xalqaro universitetida I–Talabalar forumi doirasida ilmiy-amaliy konferensiyaning uchinchi kuni tadbirlari “Ipak yo‘li madaniyati (etnogenez va moddiy hamda nomoddiy madaniy meros) va ekologiya (ekoturizm): tabiat va an’analarning o‘zaro bog‘liqligini o‘rganish” mavzusiga bag‘ishlandi. Konferensiya ilmiy tadqiqot olib borishga qiziqish bildirgan yosh olimlar, magistrlar va bakalavr talabalarni birlashtirdi. Tadbir davomida Ipak yo‘li manzillarida turizm sohasini rivojlantirish, innovatsion yondashuvlarni joriy etish, raqamli texnologiyalar va “aqlli turizm” konsepsiyasini amaliyotga tatbiq etish masalalari muhokama qilindi. Mazkur yo‘nalish doirasida magistratura va bakalavriat ta’lim yo‘nalishlari kesimida jami 20 ta ilmiy maqola qabul qilinib, ularning aksariyati zamonaviy ilmiy yondashuvlar, innovatsion g‘oyalar va amaliy takliflar bilan ajralib turdi. Ekspertlar tomonidan baholash jarayonida maqolalarning dolzarbligi, ilmiy yangiligi, amaliy ahamiyati hamda mazmun-mundarijasining puxtaligiga alohida e’tibor qaratildi. Konferensiya nihoyasida “Tarix va madaniy meros” kafedrasi tomonidan faol ishtirokchilarga qimmatbaho sovg’alar va sertifikatlar topshirildi.
