2025-yilning 16-noyabr kuni universitetimiz Pekin Xalqaro Tadqiqotlar Universiteti (BISU) bilan hamkorlikda VIII “Bir kamar-bir yo‘l” turizm forumini muvaffaqiyatli ravishda o‘tkazdi. Joriy yilgi forum “Bir kamar-bir yo‘l” tashabbusi: merosni muhofaza qilish, ekologik tiklanish va turizmni rivojlantirish” mavzusiga bag‘ishlandi. Forumning ochilish marosimida universitetimizning ma’muriy masalalar bo‘yicha birinchi prorektori, professor D. Nasimov ishtirokchilarni qutlab, tashabbus doirasidagi ilmiy hamkorlik va tajriba almashuvining ahamiyatini ta’kidladi. Tadbirda Xitoy va O‘zbekistonning davlat tashkilotlari, turizm sanoati va oliy ta’lim muassasalaridan 200 dan ortiq ishtirokchi onlayn va oflayn tarzda qatnashdi. Forum doirasida universitetimiz professor-o‘qituvchilari hamda innovatsiyalar va ilmiy ishlar bo‘yicha prorektori, professor Toni Zou madaniy merosni muhofaza qilish, kichik turizm biznesini samarali tashkil etish masalalarida ma’ruzalar qildilar. Shuningdek, forumda Xitoy Fanlar Akademiyasi, Xitoy Milliy bog‘lar ma’muriyati, Shinjon Universiteti, Toshkent davlat iqtisodiyot universiteti va Green Universitetidan kelgan olimlar “Bir kamar-bir yo‘l” tashabbusi doirasida merosni muhofaza qilish, ekologik tiklanish va turizmni rivojlantirishga oid innovatsion yondashuvlarni muhokama qildilar